سۈرەتتە: چىڭگىل ناھىيەسىدىكى بىر چارۋىچى تېپىۋالغان 7850 گىراملىق «ئىت بېشى شەكىللىك» تەبىئىي ئالتۇن. جۇ شىنفېڭ فوتوسى
خەلق تورى ئۇيغۇرچە قانىلىنىڭ5- فېۋرال ، بېيجىڭدىن بەرگەن تېلېگراممىسى:يېقىندا، چىڭگىل ناھىيەسىدە بىرەيلەن يەتتە كىلوگراملىق تەبىئىي «ئىت باش شەكىللىك ئالتۇن»تېپىۋالغان. ئالاقىلىشىش ئارقىلىق مۇخبىر تېپىۋالغۇچىنىڭ ئۆيىنى تاپقان، تېپىۋالغۇچى بىر چارۋىچى بولۇپ، نەچچە يىلنىڭ ئالدىدا نەچچە كالىسى ئۆلۈپ قالغان، بۇلتۇر 50 قويىمۇ تۇيۇقسىز ئۆلۈپ قالغان، شۇنىڭ بىلەن ئۇ دوستلىرى بىلەن بىرلىشىپ ئالتۇن قازغان. ئويلىمىغان يەردىن 7850 گىراملىق تەبىئىي ئالتۇننى تېپىۋالغان.
ئۇنىڭ دېيىشىچە، ئۇ ئالتۇننى بايقىغاندا ئالتۇن ئوچۇقچىلىقتا پارقىراپ تۇرغىدەك. چارۋىچىلارنى مۇقىم ئولتۇراقلاشتۇرۇش ئۆيىدە تۇرىۋاتقان بۇ ئائىلىگە كېلىپ ئالتۇننى كۆرمەكچى بولغان ئۇرۇق -تۇققان، دوست -بۇرادەرلەرنىڭ ئايىقى ئۈزۈلمىدى. بۇ تەبىئىي ئالتۇننىڭ ئۇزۇنلىقى تەخمىنەن 23 سانتىمېتىر، ئەڭ كەڭ كېلىدىغان قىسمىنىڭ كەڭلىكى تەخمىنەن 18سانتىمېتىر، ئەڭ قېلىن قىسمىنىڭ قېلىنلىقى تەخمىنەن 8 سانتىمېتىر كېلىدىكەن. ئەجەبلىنەرلىكى شۇكى بۇ ئالتۇن خۇددى ئادەم ئويۇپ، نەقىشلەپ قويغان سەنئەت بۇيۇمىدەك ئىدى. مۇخبىر بۇ ئالتۇننى بىر قولدا كۆتۈرۈش تەس ئىكەنلىكىنى بايقىدى.
تەرجىمە مۇھەررىرى: ت. ئا.ئەركمان
مەنبە: خەلق تورى