باش بەت قىلىڭ بەت ساقلاڭ ئالاقىلىشىڭ بىز
خەلق تورى>>كۆپ بەتلىك خەۋەرلەر

قەبرىستانلىق — گېرمانىيىلىكلەرنىڭ قەلب ئۆتىڭى (5)

2014.10.10 09:15   مەنبە: خەلق تورى

قەبرىستانلىق — گېرمانىيىلىكلەرنىڭ قەلب ئۆتىڭى (5)

  قەبرە تېشىغا يېزىلغان خەتلەرمۇ قىزىقارلىق، نەپىس ۋە پەلسەپىلىككە ئىگە بولۇپ، كۆرگۈچىنى چوڭقۇر ئويغا سالىدۇ. بەزىلەر ياش تۆكىدۇ ۋە ياكى ئۇھسىنىپ، ئاپىرىن ئوقۇيدۇ. بۇ گېرمانىيەلىكلەرنىڭ «ھايات ۋە ئۆلۈم ئوخشاشلا مۇقەددەس» دەپ قارايدىغان ھايات ماماتقا نىسبەتەن ئوچۇق-يورۇق مەرد مىجەزىنى ئەكس ئەتتۈرسە كېرەك. قەبرە تېشىغا يېزىلغان سۆزلەرنى ئاساسەن ۋاپات بولغۇچى ياكى تونۇش-بىلىش، دوست-بۇرادەرلىرى ۋە ياكى ئالاھىدە تەكلىپلىك داڭلىق شەخسلەر يېزىپ بېرىدۇ. مەسىلەن، «بۇ يەردە سائەت رېمونت ئۇستىسى تام ھىدنىڭ تېنى ياتىدۇ. ئۇنىڭ سائىتى مېڭىشتىن توختىدى. ئۇ ياراتقۇچىسىنىڭ دەرگاھىغا كەتتى، ئەمدى ئۇ يەردە پاك-پاكىز تازىلىنىپ، پۇرژىنىلار قايتا سېلىنغاندىن كېيىن، باقىي ئالەمدە ئالدىرماي مېڭىشقا باشلايدۇ». « موزدوز يان توم، پۈتكۈل ھاياتىدا چوڭ ئىشلارنى قىلمىغان بولسىمۇ، ئەمما نەچچە ئون مىڭلىغان ھەر خىل پاسوندىكى ئاياغلارنى تىكىپ چىققان، ئۇنىڭ قوللىرى جەننەتلەردىمۇ بىكار تۇرمايدۇ، ئۇ يەردە بارلىق مەۋجۇداتلار ئۈچۈن ھەقسىز ئاياغ تىكىپ، رېمونت قىلىپ بېرىدۇ». «ھايات ۋاقتىدا ئۇلار باشقىلارنىڭ دىققىتىنى تارتالمىغان ئاددىي ئادەملەر ئىدى، دۇنيادىن ئايرىلغاندىمۇ يەنىلا ئاۋام ئۈچۈن مۇلازىمەت قىلىشنى تاللىدى». بۇ ئابىدىلەرگە پۈتۈلگىنى گېرمانىيە خەلقىنىڭ پۈتۈن ئۆمرىدىكى دىلكەش، كەڭ قورساقلىقىنى ئىپادىلەيدۇ.

  «بۇ يەردە ئارام تاپقۇچى تام مومان پويىز شوپۇرى بولۇپ، تېخنىكىسى يامان ئەمەس ئىدى. ئەمما بىر قېتىم سەيلە قىلىۋاتقىنىدا غالجىرلاشقان كالا ئۈسۈۋېتىپ ئۆلتۈرۈپ قويغان. ئەگەر ئەينى چېغىدا ئۇ پويىز ھەيدەۋاتقان بولسا ئىدى، غالجىر كالا ئۇنى ئۈسۈشكە پېتىنالارمىدى». بۇ بىر نەچچە ئېغىز سۆز ئۇنىڭ ئۆلۈپ كېتىش سەۋەبىنى ئېنىق ئىپادىلەپلا قالماي، ھەممە نەرسىگە بىپەرۋا قارايدىغانلىقىنىمۇ ئەكس ئەتتۈرۈپ بېرىدۇ.

  «ئۇنىڭ يۇرتى چېخ، بۇ يەردە تۇرغىنىغا 10 يىلدىن ئاشتى، ئۇ ھاراق ئىچىۋالسا چېخ تىلىدىلا سۆزلەيدۇ، ئەمما باشقىلارنى تىللىسا راۋان نېمىس تىلىدا تىللايدۇ. بىراق ئۇنىڭ ياردىمىگە ئېرىشكەن كىشىلىرى تىللىغان كىشىلىرىدىن 10 ھەسسە كۆپ. بىز ئۇنى ياخشى كۆرىمىز، ئۇ بىزنى ياخشى كۆرەمدۇ-يوق بىلمەيمىز». بۇ سۆزلەرنى ئۇنىڭ تۇغقانلىرى قەبرە تېشىغا يازدۇرغان، بىراق ھەر بىر قۇر خەتتە ئۇنىڭغا بولغان رازىمەنلىك تۇيغۇسى چىقىپ تۇرىدۇ.

【1】 【2】 【3】 【4】 【5】 【6】 【7】 
مەسئۇل مۇھەررىر : ھەبىبە ئىسمائىل

 سۈرەتلەر

  •  ئاڭلىغانمۇسىز