خەلق تورى ئۇيغۇرچە قانىلىنىڭ 12-سېنتەبر بېيجىڭدىن بەرگەن تېلېگراممىسى: 11-سېنتەبىر، 9-قېتىملىق جۇڭگو-كورېيە-ياپونىيە دېپلوماتلىرى كېڭىشى كورېيە پايتەختى سېئۇلدا ئۆتكۈزۈلدى، جۇڭگو دېپلوماتىيە مىنىستىرلىكىنىڭ مۇئاۋىن مىنىستىرى ليۇ جېنمىن، كورېيە دېپلوماتىيە مىنىستىرلىكىنىڭ ياردەمچى ئەمەلدارى لى جىڭشيۇ ۋە ياپونىيە دېپلوماتىيە ۋازارىتىنىڭ نازارەتچىسى سۇگىياما شىنسۇكې يىغىنغا قاتناشتى.
ئۈچ تەرەپ بۇ يىلدىن بۇيانقى ئىقتىساد-سودا، مۇھىت ئاسراش، فلولوگىيە پەنلىرى قاتارلىق ساھەلەردىكى ھەمكارلىقلاردا قولغا كەلتۈرۈلگەن ئىلگىرىلەشلەرگە نەزەر تاشلاپ، ئۈچ دۆلەتنىڭ كېينكى باسقۇچتىكى ھەمكارلىقىنىڭ نۇقتىلىق ساھەلەردە ئېلىپ بېرىلىشى توغرىسىدىكى تەشەببۇسى ئۈستىدە ئىزدەندى ھەمدە ئۈچ دۆلەت ھەمكارلىقىنىڭ تەرەققىيات يۆنىلىشى توغرىسىدا پىكىر ئالماشتۇرۇشتى. ئۈچ تەرەپ ئۈچ دۆلەتنىڭ ھەر قايسى ساھەلەردە ھەمكارلىقىنى داۋاملىق ئىلگىرى سۈرۈپ، ئۈچ دۆلەت ھەمكارلىقى دۇچ كەلگەن قىيىنچىلىقلار ۋە خىرىسلارنى بالدۇرراق ھەل قىلىپ، ئۈچ دۆلەت ھەمكارلىقىنىڭ ساغلام، مۇقىم راۋاجلىنىشىنى ئىلگىرى سۈرۈپ، شەرقىي ئاسىيانىڭ رايون خاراكتېرلىك ھەمكارلىقىغا تۈرتكە بولۇشقا تۆھپە قوشۇشقا قوشۇلدى.
تەرجىمە مۇھەررىرى: ت. ئا.ئەركمان
مەنبە: خەلق تورى