خەلق تورى ئۇيغۇرچە قانىلىنىڭ 13-ئاۋغۇست بېيجىڭدىن بەرگەن تېلېگراممىسى: ئىختىيارىي مۇخبىرلىرىمىز ئەزىزجان زىيائىددىن، مېھرىگۈل سەمەتلەر خەۋىرى، فوتوسى: 12-ئاۋغۇست قاغىلىق ناھىيەسىنىڭ «قاراقۇرۇم» كىنو-تىياتىرخانىسىدا دىنىي ئەسەبىي ئىدىيەدىن يىراق تۇرۇپ، ئەسەبىيلىكنى تۈگىتىش مەخسۇس تىمىسىدا دوكلات بېرىش يىغىنى ئۆتكۈزۈلدى. يىغىندا شىنجاڭ ئۇنىۋېرسىتېتى خىمىيە ئىنىستىتۇتى پارتىيە باش ياچېيكىسىنىڭ شۇجىسى، لېكتور تۇرغۇن توختى، شىنجاڭ ئۇنىۋېرسىتېتى فلولوگىيە ئىنىستىتۇتى پارتىيە باش ياچىيكىسىنىڭ شۇجىسى، لېكتور تۇرسۇن توختى قاتارلىقلار مەركەزنىڭ شىنجاڭ خىزمىتى سۆھبەت يىغىنى ئېچىلغاندىن بۇيانقى چوڭ ئۆزگىرىشلەر ۋە مەركەزنىڭ 2-قېتىملىق شىنجاڭ خىزمىتى سۆھبەت يىغىنىدا ئوتتۇرىغا قويۇلغان ئاپتونوم رايونىمىزنىڭ، بولۇپمۇ جەنۇبىي شىنجاڭنىڭ ئىجتىمائىي ، ئىقتىسادىي تەرەققىياتىنى زور كۈچ بىلەن قوللاشتىن ئىبارەت مۇھىم ئىستراتېگىيەلىك تەدبىرلەر قاتارلىق مەزمۇنلارنى چۆرىدەپ ، زوراۋان تېررورچىلارنىڭ رەزىل جىنايى قىلمىشلىرى، ھەر مىللەت ئاممىسىنىڭ ھاياتى ۋە مال-مۈلۈك بىخەتەرلىكىگە كەلتۈرگەن زىيىنى، زوراۋانلىق، تېررورلۇق ھەرىكەتلىرىگە قاتتىق زەربە بېرىشنىڭ زۆرۈرلىكىنى دۆلەت ۋە ئاپتونوم رايوننىڭ مۇناسىۋەتلىك قانۇن-نىزام، بەلگىلىمىلىرى ئاساسىدا ئاممىباب، چۈشىنىشلىك، ئەتراپلىق شەرھىلەپ، پارتىيەنىڭ دىنىي سىياسىتى، دىنىي ئەسەبىيلىكنىڭ ماھىيتى، دىنىي ئەسەبىيلىكنىڭ ئىپادىلىنىش شەكلى ۋە سىڭىپ كىرىش ۋاستىلىرى، دىنىي ئەسەبىيلىكنىڭ ئېغىر زىيىنى قاتارلىق جەھەتلەردە سىستېمىلىق، ئەتراپلىق دوكلات بېرىپ، ھەر مىللەت ئاممىسىنى مىللەتلەر ئىتتىپاقلىقىنى قوغداپ ، زوراۋان تېررورچىلار بىلەن ئاداققىچە كۈرەش قىلىپ، گۈزەل، بەختىيار، تىنچ يۇرت-ماكان قۇرۇشقا دەۋەت قىلدى. لېكسىيەنى 2300دىن ئارتۇق ئامما ئاڭلىدى .
سۇرەتلەردە:دوكلات بېرىش يىغىنىدىن كۆرۇنۇشلەر.
مۇخبىرلار: قاغىلىق ناھىيەلىك س س م ب ئىدارىسىدە
تەرجىمە مۇھەررىرى: ت. ئا.ئەركمان
مەنبە: خەلق تورى