باش شۇجى شى جىنپىڭنىڭ ھاۋالىسىگە بىنائەن ، جۇڭگو كومپارتىيەسى مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى ، مەركىزىي كومىتېت شۇجىچۇسىنىڭ شۇجىسى ليۇ يۈنشەن 6-ئاۋغۇست بېيدەيخېدا بۇ يىللىق يازلىق دەم ئېلىش پائالىيىتىگە قاتناشقان مۇتەخەسسىسلەرنى يوقلىدى ھەمدە ئۇلار بىلەن سۆھبەتلەشتى ، پارتىيە مەركىزىي كومىتېتى ، گوۋۇيۈەنگە ۋاكالىتەن ھەرقايسى ساھەلەردىكى مۇنەۋۋەر ئىختىساسلىقلارغا قىزغىن سالام يوللىدى .
مۇتەخەسسىسلەرنى بېيدەيخېدا دەم ئېلىشقا تەكلىپ قىلىش پارتىيە ۋە دۆلەتنىڭ مۇتەخەسسىسلەرگە ، تالانتلىقلارغا كۆڭۈل بۆلىدىغانلىقى ۋە ئەھمىيەت بېرىدىغانلىقىنىڭ كونكرېت ئىپادىسى بولۇپ ، نۆۋەتتە بۇ بىر تۈرلۈك تۈزۈم خاراكتېرلىك ئورۇنلاشتۇرۇشقا ئايلاندى . پارتىيە مەركىزىي كومىتېتى ، گوۋۇيۈەن 2001-يىلىدىن بۇيان ئىلگىرى-كېيىن بولۇپ ، 14 تۈركۈمدە جەمئىي 700 دىن ئارتۇق مۇتەخەسسىسنى دەم ئېلىش پائالىيىتىگە قاتنىشىشقا تەكلىپ قىلدى ، بۇ يىل 50 تىن ئارتۇق مۇتەخەسسىس پائالىيەتكە قاتناشتى .