3-قېتىملىق رادىيو-كىنو-تېلېۋىزىيە ئارقىلىق شىنجاڭغا نىشانلىق ياردەم بېرىش يىغىنى ئېچىلدى(1)

2014.07.25 14:47   مەنبە: تەڭرىتاغ ئۇيغۇرچە تورى

　　3-قېتىملىق رادىيو-كىنو-تېلېۋىزىيە ئارقىلىق شىنجاڭغا نىشانلىق ياردەم بېرىش يىغىنى 23-ئىيۇل چۈشتىن بۇرۇن ئۈرۈمچىدە ئېچىلدى

　　 3-قېتىملىق رادىيو-كىنو-تېلېۋىزىيە ئارقىلىق شىنجاڭغا نىشانلىق ياردەم بېرىش يىغىنى 23-ئىيۇل چۈشتىن بۇرۇن ئۈرۈمچىدە ئېچىلدى . يىغىندا مەركەزنىڭ 2-قېتىملىق شىنجاڭ خىزمىتى سۆھبەت يىغىنىنىڭ روھى يەتكۈزۈلۈپ ، ئالدىنقى بىر باسقۇچلۇق رادىيو-كىنو-تېلېۋىزىيە سىستېمىسىنىڭ شىنجاڭغا نىشانلىق ياردەم بېرىش خىزمىتىدىكى نەتىجە ۋە تەجرىبىلەر خۇلاسىلەندى ۋە ئالماشتۇرۇلدى ، ھەمدە يېڭى باسقۇچلۇق رادىيو-كىنو-تېلېۋىزىيە ئارقىلىق شىنجاڭغا نىشانلىق ياردەم بېرىش خىزمىتى تەتقىق قىلىپ ئورۇنلاشتۇرۇلدى .

　　دۆلەتلىك ئاخبارات-نەشرىيات-رادىيو-كىنو-تېلېۋىزىيە ئىدارىسىنىڭ مۇئاۋىن باشلىقى تيەن جىن ، ئاپتونوم رايونلۇق پارتكوم دائىمىي كومىتېتىنىڭ ئەزاسى ، تەشۋىقات بۆلۈمىنىڭ باشلىقى لى شۆجۈن ، ئاپتونوم رايونلۇق پارتكوم دائىمىي كومىتېتىنىڭ ئەزاسى ، ئاپتونوم رايوننىڭ مۇئاۋىن رەئىسى ئەركىن تۇنىياز يىغىنغا قاتناشتى .

　　ئىگىلىنىشىچە ، مەركەزنىڭ شىنجاڭ خىزمىتى سۆھبەت يىغىنى ئېچىلغاندىن بۇيان ، دۆلەتلىك ئاخبارات-نەشرىيات-رادىيو-كىنو-تېلېۋىزىيە باش ئىدارىسى يۈكدەك ئەھمىيەت بېرىپ ، ئۇدا ئۈچ قېتىم رادىيو-كىنو-تېلېۋىزىيە ئارقىلىق شىنجاڭغا نىشانلىق ياردەم بېرىش يىغىنى چاقىرىپ ، تۈر ، سىياسەت ، مەبلەغ قاتارلىق تەرەپلەردە شىنجاڭنى زور كۈچ بىلەن قوللاپ ، شىنجاڭنىڭ رادىيو-كىنو-تېلېۋىزىيە ئىشلىرىدىكى نۇقتىلىق قۇرۇلۇشلارنى ئىلگىرى سۈرۈشنى تېزلەتكەن ، رادىيو-تېلېۋىزىيەنى ھەممە كەنتلەرگە يەتكۈزۈش قۇرۇلۇشى ، شىزاڭ-شىنجاڭ قۇرۇلۇشىنىڭ 4-قارار 2-باسقۇچى ۋە بەشىنچى قارارى ، يېزا-كەنتلەردە كىنو قويۇش قۇرۇلۇشى ، شىنجاڭغا تېلېۋىزىيە تىياتىرى ۋە كىنو قاتارلىق تەرجىمە فىلىملەرنى ھەدىيە قىلىش ، مىللىيچە رادىيو-تېلېۋىزىيە پىروگراممىلىرى سۈنئىي ھەمراھدا يەتكۈزۈش قاتارلىق كۆپ تۈرلۈك قۇرۇلۇشلارنى ئەمەلىيلەشتۈرگەن .