جۇڭگو كوممۇنىستىك پارتىيەسى مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى، مەملىكەتلىك سىياسىي كېڭەشنىڭ رەئىسى يۈ جېڭشېڭ 17-ئىيۇل بېيجىڭدا راۋ يىڭچى باشچىلىقىدىكى تەيۋەن ئەل رايى ۋەكىللىرى ئالماشتۇرۇش ، ئېكسكۇرسىيە ئۆمىكىدىكىلەر بىلەن كۆرۈشتى
شىنخۇا تورى ، بېيجىڭ ، 17-ئىيۇل تېلېگراممىسى : جۇڭگو كوممۇنىستىك پارتىيەسى مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى ، مەملىكەتلىك سىياسىي كېڭەشنىڭ رەئىسى يۈ جېڭشېڭ 17-ئىيۇل بېيجىڭدا راۋ يىڭچى باشچىلىقىدىكى تەيۋەن ئەل رايى ۋەكىللىرى ئالماشتۇرۇش ، ئېكسكۇرسىيە ئۆمىكىدىكىلەر بىلەن كۆرۈشتى .
يۈ جېڭشېڭ مۇنداق دەپ كۆرسەتتى : مەملىكەتلىك سىياسىي كېڭەش ئەزالىرى بىلەن تەيۋەن ئەل رايى ۋەكىللىرى بەش نۆۋەت ئۆزئارا زىيارەت ۋە 10 قېتىم باش تېمىلىق سۆھبەت ئارقىلىق ، سەمىمىي ، دوستانە ھەمكارلىق مۇناسىۋىتى بەرپا قىلدى ، بۇ ئىككى قىرغاقنىڭ ھەرقايسى جەھەتلەردىكى چۈشىنىش ۋە ئۆزئارا ئىشىنىشىنى ئىلگىرى سۈرۈش ، تىنچ تەرەققىيات ۋەزىيىتىنى مۇستەھكەملەش ، بىر جۇڭگو رامكىسى ئاستىدىكى ئورتاق تونۇشنى قوغداش ، ئىككى قىرغاقنىڭ ئەل رايى ئەقىل ئامبىرىنى مۇجەسسەملەشتە ئاكتىپ رولىنى جارى قىلدۇردى .
يۈ جېڭشېڭ مۇنۇلارنى تەكىتلىدى : ئىككى قىرغاق مۇناسىۋىتىنىڭ تىنچ تەرەققىيات ۋەزىيىتى ئاسان قولغا كەلمىگەن ، ئۇنى ھەسسىلەپ قەدىرلەش كېرەك . ئىككى قىرغاق مۇناسىۋىتىنىڭ تىنچ تەرەققىيات يولى ئەگرى توقاي ، ئۇنىڭغا ئەستايدىل مۇئامىلە قىلىش كېرەك . ئىككى قىرغاق مۇناسىۋىتىنىڭ تىنچ تەرەققىيات ئىستىقبالى زور ، پۈتۈن كۈچ بىلەن ئىلگىرى سۈرۈشكە توغرا كېلىدۇ . ئىككى قىرغاقتىكى جۇڭگولۇقلارنىڭ قىيىنچىلىقلارنى يېڭىش ئەقىل-پاراسىتى ۋە ئىقتىدارى بار، تىنچ تەرەققىيات مۇساپىسىنى ئۆزلۈكسىز ئىلگىرى سۈرۈش كېرەك . مەملىكەتلىك سىياسىي كېڭەشنىڭ ئەزالىرى بىلەن تەيۋەننىڭ خەلق رايى ۋەكىللىرىنىڭ مېخانىزملاشقان ئالماشتۇرۇش سەھنىسىنىڭ ئىككى قىرغاق مۇناسىۋىتىنىڭ تەرەققىياتىدا رولىنى داۋاملىق جارى قىلدۇرۇپ ، تېخىمۇ كۆپ ئىككى قىرغاق قېرىنداشلىرىنى ، بولۇپمۇ تەيۋەندىكى ئاساسىي قاتلام ئاممىسى بىلەن ياش ئەۋلادلارنى ئىتتىپاقلاشتۇرۇپ ، ئالاقە ۋە ئالماشتۇرۇشنى كۈچەيتىپ ، چۈشىنىش ۋە ئىشەنچىنى ئاشۇرۇپ ، جۇڭخۇا مىللەتلىرىنىڭ ئۇلۇغ گۈللىنىشىنى ئىشقا ئاشۇرۇشتىن ئىبارەت ‹‹جۇڭگو ئارزۇسى›› ئۈچۈن بىرلىكتە تىرىشىپ كۈرەش قىلىشنى ئۈمىد قىلىمىز .