دۆلەت رەئىسى شى جىنپىڭ 16-ئىيۇل بىرازىلىيە پارلامېنتىدا ‹‹ئەنئەنىۋى دوستلۇقى ئەۋج ئالدۇرۇپ، ھەمكارلىقنىڭ يېڭى سەھىپىسىنى ئورتاق يېزىپ چىقايلى!›› دېگەن تېمىدا نۇتۇق سۆزلىدى
شىنخۇا تورى ، بىرازىلىيە ، 16-ئىيۇل تېلېگراممىسى : دۆلەت رەئىسى شى جىنپىڭ 16-ئىيۇل بىرازىلىيە پارلامېنتىدا ‹‹ ئەنئەنىۋى دوستلۇقى ئەۋج ئالدۇرۇپ ، ھەمكارلىقنىڭ يېڭى سەھىپىسىنى ئورتاق يېزىپ چىقايلى! ›› دېگەن تېمىدا نۇتۇق سۆزلىدى . ئۇ نۇتۇقىدا جۇڭگو-بىرازىلىيەنىڭ ئەنئەنىۋى دوستلۇقىنى ماختىدى ، جۇڭگو تەرەپنىڭ يېڭى باسقۇچتىكى جۇڭگو-بىرازىلىيە مۇناسىۋىتى ۋە جۇڭگو-لاتىن ئامېرىكىسى مۇناسىۋىتىنى تەرەققىي قىلدۇرۇشتىكى سىياسىي تەشەببۇسلىرىنى بايان قىلدى ، تېخىمۇ يىراقنى كۆرەرلىك ، تېخىمۇ كەڭ قورساقلىق ، تېخىمۇ قەتئىي ئىشەنچ بىلەن جۇڭگو-بىرازىلىيەنىڭ ئومۇميۈزلۈك ئىستراتېگىيەلىك شېرىكلىك مۇناسىۋىتىگە تېخىمۇ يۇقىرى سەۋىيە ، تېخىمۇ كەڭ دائىرە، تېخىمۇ كەڭ سەھنىدە ئىلگىرى سۈرۈشنى تەكىتلىدى .
شۇ يەر ۋاقتى چۈشتىن كېيىن سائەت 3:15 تە ، شى جىنپىڭ بىرازىلىيە كېڭەش پالاتاسىنىڭ باشلىقى كالخېيروس ۋە ئاۋام پالاتاسىنىڭ باشلىقى ئالۋىسلارنىڭ ھەمراھلىقىدا ئاۋام پالاتاسىنىڭ يىغىن زالىغا كىرىپ كەلدى ، پۈتۈن مەيداندا قىزغىن ئالقىش-سادالىرى ياڭرىدى . نەق مەيداندا جۇڭگو-بىرازىلىيە ئىككى دۆلەتنىڭ دۆلەت شېئىرى ئورۇندالدى . قىزغىن ئالقىش-سادالىرى ئىچىدە شى جىنپىڭ نۇتۇق سۆزلىدى .