خەلق تورى ئۇيغۇرچە قانىلىنىڭ 16-ئىيۇل بېيجىڭدىن بەرگەن تېلېگراممىسى: كېسەك ئالتۇن دۆلەتلىرى رەھبەرلىرىنىڭ 6-قېتىملىق ئۇچرىشىش يىغىنى شۇ يەر ۋاقتى 15-ئىيۇل چۈشتىن بۇرۇن بىرازىلىيەنىڭ فورتالېزا شەھىرىدە ئۆتكۈزۈلدى. جۇڭگونىڭ دۆلەت رەئىسى شى جىنپىڭ ۋە بىرازىلىيە، رۇسىيە، ھىندىستان، جەنۇبىي ئافرىقا رەھبەرلىرى ئۇچرىشىشقا قاتناشتى.
كېسەك ئالتۇن دۆلەتلىرى رەھبەرلىرىنىڭ ئۇچرىشىشى ئۇدا بەش قېتىم ئۆتكۈزۈلگەن بولۇپ، بۇ يىل كېسەك ئالتۇن دۆلەتلىرى رەھبەرلىرىنىڭ 2-ئايلانما ئۇچرىشىشىنىڭ تۇنجى يىلى. «سىغدۇرۇشچان ئېشىشنى ئىشقا ئاشۇرۇشنىڭ سىجىل ھەل قىلىش لايىھەسى» تېمىسىدىكى بۇ قېتىملىق ئۇچرىشىشقا بىرازىلىيە زۇڭتۇڭى رۇسسېف رىياسەتچىلىك قىلدى. ئۇچرىشىشقا قاتناشقان رەھبەرلەر ئاساسلىق ئىككى قارالمىنى مۇھاكىمە قىلىدۇ، بىرىنچى، سىياسىي جەھەتتە ماشلىشىش: دۇنيانى ئىدارە قىلىش ۋە رايون كرىزىسى، ئىككىنچى، سىجىل تەرەققىيات ۋە سىغدۇرۇشچان ئېشىش. شى جىنپىڭ ئۇچرىشىشتا بۇ قارالمىلارنى چۆرىدىگەن ھالدا مۇھىم سۆز قىلىدۇ.
جۇڭگو مىللەتلەر تەرجىمە ئىدارىسى تەرجىمىسى
مەنبە: خەلق تورى