30-ئىيۇن ، شىنجاڭ خەلق رادىيو ئىستانسىسى ‹‹ ياخشىلارغا گۈل تۇتۇش ›› ناملىق چوڭ تىپلىق پاراۋانلىق پائالىيىتىنى ئۆتكۈزۈپ ، ئۈرۈمچىدىكى 60 نەپەر ئۈلگىلىك ياخشى كىشىگە گۈل تۇتتى . مەملىكەتلىك كەسىپكە ئۆزىنى بېغىشلاش ئۈلگىسى جۇاڭ شىخۇا ، باشقىلارغا ياردەم بېرىشنى خۇشاللىق دەپ بىلىدىغان مەملىكەتلىك ئەخلاق نەمۇنىچىسى ليۇ چيەنكۇن ، مەملىكەتلىك لەۋزىدە تۇرۇش سەمىمىيلىك ئۈلگىسى ئەكبەر ئىمىن ، ‹‹ 8-مارت ›› قىزىل بايراقدار ، مۇنەۋۋەر سوتچى پەرىدە ، ئاپتونوم رايونلۇق مىللەتلەر ئىتتىپاقلىقى ئۈلگىسى ئالىمجان مەتتوختى قاتارلىقلار تەكلىپكە بىنائەن پائالىيەتكە قاتنىشىپ ، ياخشىلارغا گۈلدەستە تارقىتىپ بەردى . بۇ كۈنى ، شىنجاڭدىكى 30 نەچچە رادىيو ئىستانسىسىمۇ بىرلا ۋاقىتتا بۇ پائالىيەتنى ئۆتكۈزگەن بولۇپ ، ھەر مىللەت كادىر ۋە ئامما كۆرسەتكەن 2076 نەپەر ياخشى كىشىگە گۈل تەقدىم قىلىندى .