ياڭاقلىق باغدا ئۆردەك بىقىش

2014.06.20 15:15   مەنبە: خەلق تورى

　　خەلق تورى ئۇيغۇرچە قانىلىنىڭ 20-ئىيۇن بېيجىڭدىن بەرگەن تېلېگراممىسى: ئىختىيارىي مۇخبىرىمىز مۇتەللىپ ئابدۇراخمان خەۋىرى ، فوتوسى: ئونسۇ ناھىيەسىنىڭ جام بازىرى تۆۋەنكى جام كەنت 1-مەھەللىدىكى دېھقان قاھار تۇرسۇن، نۇرئېلىلارنىڭ مىۋىگە كىرگەن 20 مو ياڭاقلىق بېغى بولۇپ، يىل بېشىدا چىن جىفېڭ بىلەن بۇ باغدا ئۆردەك بېقىش كېلىشىمى ئىمزالىغان. ئىگىلىنىشىچە، ياڭاقلىق باغ ئىچىدە ئۆردەك باققاندا دېھقانلار ياڭاق تۈۋىنى ئوتاش بىلەن ئوغۇت چىقىمىنى تېجەپ قالسا، ئۆردەك باققۇچى چىن جىفېڭ يىلدا تۆت قارار( يەنى ھەر بىر قاراردا 70 مىڭ دانە) ئۆردەك بېقىپ سېتىپ ، يىللىق كىرىمىنى 9 مىليۇن يۈەندىن ئاشۇرىدىكەن.

　　سۈرەتتە: 6-ئاينىڭ 19-كۈنى چىن جىفېڭ جام بازىرى تۆۋەنكى جام كەنت 1-مەھەللىدىكى دېھقان قاھار تۇرسۇن، نۇرئېلىلارنىڭ ياڭاقلىق بېغىدا ئۆردەك باقماقتا.


مۇھەررىر: مۇسا ھەيدەر
مەنبە: خەلق تورى