16-ئىيۇن، ليۇ ينۈشەن دۇبلىندا ئېرلاندىيە زۇڭتۇڭى خىگگىنس بىلەن كۆرۈشتى
شىنخۇا تورى ، دۇبلىن ، 17-ئىيۇن تېلېگراممىسى : ئېرلاندىيە ھۆكۈمىتىنىڭ تەكلىپىگە بىنائەن ، جۇڭگو كوممۇنىستىك پارتىيەسى مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى ، مەركىزىي كومىتېت شۇجىچۇسىنىڭ شۇجىسى ليۇ يۈنشەن 15-ئىيۇندىن 17-ئىيۇنغىچە ئېرلاندىيەدە رەسمىي زىيارەتتە بولدى ، ئۇ ئېرلاندىيە پايتەختى دۇبىلىندا ئېرلاندىيە زۇڭتۇڭى خىگگىنس ، ئېرلاندىيە زۇڭلىسى ، بىرلىك پارتىيەسىنىڭ داھىيسى كېننى ، ئېرلاندىيەنىڭ مۇئاۋىن زۇڭلىسى ، قوشۇمچە دىپلوماتىيە ۋە سودا مىنىستىرى ، ئىشچىلار پارتىيەسىنىڭ داھىيسى جىرمو قاتارلىقلار بىلەن ئايرىم-ئايرىم كۆرۈشتى .
ليۇ يۈنشەن زۇڭتۇڭ خىگگىنس بىلەن كۆرۈشكەندە ئالدى بىلەن رەئىس شى جىنپىڭنىڭ خىگگىنسقا يوللىغان سەمىمىي سالىمىنى يەتكۈزدى . ئۇ مۇنداق دېدى : جۇڭگو بىلەن ئېرلاندىيە مۇناسىۋىتى ئۇزاق مەزگىل ساغلام ، مۇقىم تەرەققىي قىلىپ ، سىياسىي جەھەتتىكى ئۆزئارا ئىشىنىش ، ئىقتىسادىي جەھەتتە ئۆزئارا مەنپەئەت يەتكۈزۈش ، مەدەنىيەت جەھەتتە بىر-بىرىگە ئەينەك بولۇشتە كۆپ قاتلاملىق ئالاقە ۋەزىيىتىنى شەكللەندۈرۈپ ، ئوخشىمىغان زېمىن ، تۈزۈلمە ، تەرەققىيات باسقۇچىدىكى دۆلەتلەرنىڭ باراۋەر مۇئامىلە قىلىش ، دوستانە ھەمكارلىشىشىنىڭ نەمۇنىسىگە ئايلاندى . مەدەنىيەت ئالماشتۇرۇش ۋە ئۆزئارا ئەينەك بولۇش دۇنيانىڭ تىنچ تەرەققىياتىغا پايدىلىق . ئېرلاندىيە ئۆزىگە خاس مەدەنىيەتكە ئىگە بولۇپ ، ‹‹سابۇن››، ‹‹يېتس ›› قاتارلىق ئەدەبىي ئەسەرلەر جۇڭگو خەلقىنىڭ ياقتۇرۇشىغا سازاۋەر بولغان . جۇڭگونىڭ ئەنئەنىۋى مەدەنىيىتى ۋە ئۆرپ-ئادەتلىرىمۇ ئېرلاندىيە خەلقىگە پىششىق بولۇپ كەتتى . جۇڭگو تەرەپ ئېرلاندىيە تەرەپ بىلەن ئادىمىيەت ئالماشتۇرۇش سەۋىيەسىنى يۇقىرى كۆتۈرۈپ ، جۇڭگو بىلەن ئېرلاندىيەنىڭ ئۆزئارا ئىستراتېگىيەلىك شېرىكلىك مۇناسىۋىتىنى چوڭقۇر تەرەققىي قىلدۇرۇشنى خالايدۇ .
زىيارەت مەزگىلىدە ، ليۇ يۈنشەن دۇبلىن كۇڭزى ئىنىستىتۇتىنىڭ ئوقۇتۇش بىناسىغا ئۇل سېلىش مۇراسىمىغا قاتناشتى ، يەنە ياۋروپا رايونى كۇڭزى ئىنىستىتۇتى بىرلەشمە يىغىنىنىڭ باشلىنىش مۇراسىمىغا قاتناشتى ھەمدە تەبرىك سۆزى قىلدى . ئۇ يەنە شۇ يەرنىڭ دېھقانلىرى بىلەن ھەمسۆھبەتتە بولدى . ليۇ يۈنشەن يەنە ئېرلاندىيە مەبلەغ سېلىش تەرەققىيات ئىدارىسىنىڭ ئەمەلدارلىرى بىلەن كۆرۈشتى ، شۇ يەرلىك كارخانىچىلار بىلەن پىكىرلەشتى ھەمدە ئېرلاندىيەدە مەدەنىيەت مەركىزى تەسىس قىلىش چۈشىنىش ئەسلەتمىسىنى ئىمزالاشقا شاھىت بولدى .