جۇڭگودا ساياھەت مەنزىرىلىرى سۈپىتى ئادەتتە بەش دەرىجىگە بۆلىنىدىغان بولۇپ، يۇقىرىدىن تۆۋەنگە (1A، 2A، 3A، 4A، 5A) قاتارلىق دەرىجىلەرگە ئايرىلىدۇ، 4A دەرىجىلىك ساياھەت رايونى 5Aدەرىجىلىك ساياھەت رايونىدىن قالسىلا مەنزىرىسى گۈزەل ساياھەت رايونى بولۇپ ھېسابلىنىدۇ.
قارامايدا A4 دەرىجىلىك ساياھەت ئورنىدىن ئىككىسى بار بولۇپ، ئۇلار قارىماي دەرياسى ۋە ئالۋاستى شەھىرىدىن ئىبارەت. ئالۋاستى شەھىرى شەيتانكەرش دەپمۇ ئاتىلىدۇ.
ئالۋاستى شەھەرچىسى شەيتانكەرش دەپمۇ ئاتىلىدۇ. شەيتانكەرش جۇڭغار ئويمانلىقىنىڭ غەربىي شىمالىي چېگرىسىدىكى جام دەرياسىنىڭ تۆۋەنكى ئېقىمىدىكى كان رايونىغا جايلاشقان، غەربىي شىمالىنىڭ قاراماي شەھىرى بىلەن بولغان ئارىلىقى 100 كىلومېتىر كېلىدۇ. بۇ جايدا شامالنىڭ يالىشى بىلەن شەكىللەنگەن ئاجايىپ ـ غارايىپ يەر شەكىللىرى بولۇپ، كۈچلۈك بوران چىققان ۋاقىتتا خۇددى بۆرىنىڭ ھۇۋلىشىغا، بوۋاق بالىنىڭ يىغلىغىنىغا ئوخشىشىدىغان غەلىتە ئاۋازلار ئاڭلىنىدىغان بولغاچقا ئالۋاستى شەھىرى دەپمۇ ئاتالغان.