قارامايدىكى A4 دەرىجىلىك ساياھەت ئورۇنلىرى(1)

2014.05.16 16:01   مەنبە: خەلق تورى

　　جۇڭگودا ساياھەت مەنزىرىلىرى سۈپىتى ئادەتتە بەش دەرىجىگە بۆلىنىدىغان بولۇپ، يۇقىرىدىن تۆۋەنگە (1A، 2A، 3A، 4A، 5A) قاتارلىق دەرىجىلەرگە ئايرىلىدۇ، 4A دەرىجىلىك ساياھەت رايونى 5Aدەرىجىلىك ساياھەت رايونىدىن قالسىلا مەنزىرىسى گۈزەل ساياھەت رايونى بولۇپ ھېسابلىنىدۇ.

　　قارامايدا A4 دەرىجىلىك ساياھەت ئورنىدىن ئىككىسى بار بولۇپ، ئۇلار قارىماي دەرياسى ۋە ئالۋاستى شەھىرىدىن ئىبارەت. ئالۋاستى شەھىرى شەيتانكەرش دەپمۇ ئاتىلىدۇ.

　　1. قارىماي دەرياسى قارىماي شەھەر ئىچىدە بولۇپ، قاتناش ئىنتايىن قولايلىق، ئومۇمىي ئۇزۇنلۇقى 8 مىڭ 510 مېتىر، كەڭلىكى 15 مېتىر كېلىدۇ. قارىماي دەرياسىنىڭ ئىككى قىرغىقىدىكى يېشىللىق بەلبېغىنىڭ ئومۇمىي كۆلمى 158 مىڭ 100 كۋادرات مېتىر بولۇپ، چىملىقتىن باشقا يەنە 4 مىڭ 614 تۈپ دەرەخ بار. قارىماي دەرياسى قارىماينى گۈزللەشتۈرىدىغان مۇھىم بايلىق مەنبەلىرىنىڭ بىرى شۇنداقلا شەھەر رايونىدىكى ساياھەت مەنزىرە نۇقتىسى.

　　2. ئالۋاستى شەھەرچىسى شەيتانكەرش دەپمۇ ئاتىلىدۇ. شەيتانكەرش جۇڭغار ئويمانلىقىنىڭ غەربىي شىمالىي چېگرىسىدىكى جام دەرياسىنىڭ تۆۋەنكى ئېقىمىدىكى كان رايونىغا جايلاشقان، غەربىي شىمالىنىڭ قارىماي شەھىرى بىلەن بولغان ئارىلىقى 100 كىلومېتىر كېلىدۇ. بۇ جايدا شامالنىڭ يالىشى بىلەن شەكىللەنگەن ئاجايىپ ـ غارايىپ يەر شەكىللىرى بولۇپ، كۈچلۈك بوران چىققان ۋاقىتتا خۇددى بۆرىنىڭ ھۇۋلىشىغا، بوۋاق بالىنىڭ يىغلىغىنىغا ئوخشىشىدىغان غەلىتە ئاۋازلار ئاڭلىنىدىغان بولغاچقا ئالۋاستى شەھىرى دەپمۇ ئاتالغان.

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ