ـــ بۇلتۇر كۇچا ناھىيەسى 1 مىليون 80 مىڭ ساياھەتچى (قېتىم) كۈتىۋېلىپ، 895 مىليون يۈەن ساياھەت كىرىمى ياراتتى. ناھىيە بويىچە ساياھەت مۇئەسسەسە قۇرۇلۇشىغا 250 مىليون يۈەن مەبلەغ سېلىندى،- دېدى ناھىيەلىك ساياھەت ئىدارىسىنىڭ مۇئاۋىن باشلىقى پاتىگۈل ئابباس،- ساياھەتچى كۈتىۋېلىش مۇلازىمەت سېستىمىسى تېخىمۇ ئىلغارلاشتۇرۇلۇپ، تەڭرىتاغ جىلغىسى، سۇبېشى قەدىمىي شەھىرى، قىزىل قاغا تۇرى قاتارلىق سەيلىگاھلارنىڭ مېھمان كۈتۈۋېلىش مۇئەسسەسەلىرى مۇكەممەللەشتۈرۈلدى. شۇنىڭ بىلەن بىرگە دۆلەتلىك تارىخىي مەدەنىيەت شەھىرى داڭقىنى ئاشۇرۇش ئۈچۈن كۇچا كونا شەھەر رايونىدىكى قەدىمىي ئۆيلەر سەيلىگاھ نۇقتىلىرىنى قۇرۇپ چىقىش قەدىمى تېزلەشتۈرۈلدى. كونا شەھەر ساياھەت لېنىيەسى تۈزۈپ چىقىلدى، ئۈچ قەدىمىي ئۆي ئىگىلىرىگە 9000 يۈەن تولۇقلىما بېرىلدى. كونا شەھەردىكى يول بەلگۈلىرى ئۇيغۇر، خەنزۇ، ئېنگلىز ۋە ياپون تىللىرىدا تۈزۈپ ئېسىلدى. رەستە كوچا ئىش باشقارمىسىغا ياردەملىشىپ، مەپە شېركىتى قۇرۇلدى ۋە ھەربىر مەپە ئىگىسىگە 1000 يۈەندىن تولۇقلىما بېرىلدى.