22 – ئاپرېل چۈشتە كۇچا ناھىيەسىنىڭ كونا شەھەر رايونىدىكى «ۋاڭ ئوردىسى» سەيلىگاھىدا جېجياڭدىن كەلگەن بىر توپ ساياھەتچىلەر ساياھەت يېتەكچىسىنىڭ چۈشەندۈرۈشىدە كۇچا ۋاڭ ئوردىسى تارىخى بىلەن تونۇشىۋاتاتتى. ئاقسۇ ۋىلايىتى بويىچە تۇنجى بولۇپ دۆلەتلىك تۆت ئا دەرىجىلىك يۇلتۇزلۇق سەيلىگاھ نامىغا ئېرىشكەن بۇ سەيلىگاھ نۆۋەتتە كۇچادىلا داڭق چىقىرىپلا قالماي ئاقسۇ ۋىلايىتىدە جۈملىدىن شىنجاڭدىكى داڭلىق سەيلىگاھلارنىڭ بىرى بولۇپ قالغانىدى.