ئۇندىن باشقا يەنە ئاپتونوم رايوننىڭ ساياھەت تەرەققىياتى مەخسۇس تۈر مەبلىغىدىن 8 مىليون 660 مىڭ يۈەننى قولغا كەلتۈرۈپ، بۇ پۇلدا ئاقسۇ شەھىرى ۋە كۇچادا جەنۇبىي شىنجاڭ ساياھەتچىلەرنى كۈتىۋېلىش مەركىزى ۋە كۇچا ساياھەتچىلەرنى كۈتىۋېلىش مەركىزى قۇرۇپ چىققان. توققۇز مۇنەۋۋەر سەھرا ئارامگاھى، بىر يېزا – كەنت ساياھەت ئۈلگە كۆرسىتىش ئاشخانىسى، ھاجەتخانىسى قۇرۇلۇشىنى ئېلىپ بارغان، تۆت يەردە يۇلتۇزلۇق ھاجەتخانا قۇرۇپ چىققان. «ئاقسۇ ۋىلايىتىنىڭ ساياھەتچىلىكنى تەرەققىي قىلدۇرۇش ئوتتۇرا – ئۇزۇن مەزگىللىك پىلانى» ئاپتونوم رايوننىڭ باھالىشىدىن ئۆتكەن، «ئونسۇ ناھىيەسىنىڭ تەڭرىتاغ (تۆمۈر چوققىسى) دالا پائالىيىتى ساياھەت تۈرى پىلانى»، «ئونسۇ ناھىيەسى تەڭرىتاغ دالا ساياھىتى ساياھەتچىلەرنى كۈتىۋېلىش بارىگاھى قۇرۇلۇشى پىلانى»، «باي ناھىيەسىنىڭ قىزىل سۇ ئامبىرى ساياھەتچىلىكىنى تەرەققىي قىلدۇرۇش پىلانى»، «باي ناھىيەسىنىڭ قاپسىلاڭ دەرياسى بويى سەيلىگاھى پىلانى» ۋە «كۇچا ناھىيەسىنىڭ قىزىل جىلغىسى سەيلىگاھى پىلانى» ئاپتونوم رايوننىڭ دەسلەپكى باھالىشىدىن ئۆتكەن. ۋىلايەت بويىچە بەش ئورۇندا يۇلتۇزلۇق مېھمانخانا، ئىككى ئورۇندا يۇلتۇزلۇق سەيلىگاھ، 14 ئورۇندا سەھرا ئارامگاھى قۇرۇلۇشىنىڭ تەكشۈرۈش خىزمىتىنى ئاياغلاشتۇرغان.