- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
ئىنسانى سۈپەت مەنزىلى(1)
ئەزىزى
2014.04.25 14:14 مەنبە: خەلق تورى
ئابدۇقادىر جالالىددىن بىلەن سۆھبەت
ﺋﻪزﯨﺰى: ﺋﯧﺴﯩﻤﺪە ﻗﯩﻠﯩﺸﯩﭽﻪ،ﺑﯘﻧﯩﯖﺪﯨﻦ 18 ﻳﯩﻞ ﺑﯘرۇن ﻣﻪزﻛﯘر ژۇرﻧﺎﻟﺪا ﺳﻪن ﺗﻮﻏﺮۇﻟﯘق ﻛﯩﭽﯩﻜﻜﯩﻨﻪ ﺑﯩﺮ ﺗﻮﻧﯘﺷﺘﯘرۇش ﻣﺎﻗﺎﻟﯩﺴﻰ ﺋﯧلان ﻗﯩﻠﻐﺎن ﺋﯩﺪﯨﻢ. ﺧﺎﺗﺎلاﺷﻤﯩﺴﺎم ﺋﻪﻳﻨﻰ ﭼﺎﻏﺪا ﺳﯧﻨﯩﯔ ﺑﯩﺮەر ﻛﯩﺘﺎﺑﯩﯖﻤﯘ ﻧﻪﺷﺮ ﻗﯩﻠﯩﻨﻤﯩﻐﺎن ﺋﯩﺪى. ﻣﺎﻧﺎ ﺋﺎرﯨﺪﯨﻦ 18 ﻳﯩﻞ ﺋﯚﺗﯜﭘﺘﯘ، ﺋﯧﻨﯩﻘﻜﻰ، ﺑﯘ 18 ﻳﯩﻞ ﺟﻪرﻳﺎﻧﯩﺪا ﺳﯧﻨﯩﯖﺪﯨﻤﯘ زور ﺋﯚزﮔﯩﺮﯨﺸﻠﻪر ﺑﻮﻟﺪى. ﻣﻪﻧﯩﯟى ﺟﻪﮬﻪﺗﺘﻪ ﻗﻪدەﻣﻤﯘ ﻗﻪدەم ﭘﯩﺸﯩﭗ ﻳﯧﺘﯩﻠﺪﯨﯔ، ﺗﻮم- ﺗﻮم ﻛﯩﺘﺎﺑﻠﯩﺮﯨﯔ ﻧﻪﺷﺮ ﻗﯩﻠﯩﻨﯩﭗ ﺟﻪﻣﺌﯩﻴﻪﺗﺘﻪ ﻛﯜﭼﻠﯜك ﺋﯩﻨﻜﺎس ﻗﻮزﻏﯩﺪى. ﺋﺎﻟﯩﻲ ﻣﻪﻛﺘﻪﭘﺘﻪ ﭘﺮوﻓﯧﺴﺴﻮرلۇق مەرتىۋىگە ﺳﺎزاۋەر ﺑﻮﻟﺪۇڭ، دﯦﻤﻪك، ﺳﻪن 18 ﻳﯩﻞ ﺟﻪرﻳﺎﻧﯩﺪا، ﺋﻮت ﻳﯜرەك ﺑﯩﺮ ﮬﻪۋەﺳﻜﺎردﯨﻦ ﺟﻪﻣﺌﯩﻴﯩﺘﯩﻤﯩﺰ ﺋﯧﺘﯩﺮاپ ﻗﯩﻠﻐﺎن ئالىمغا ﺋﺎﻳلاﻧﺪﯨﯔ. ﻣﺎﻧﺎ ﺷﯘ 18 ﻳﯩﻞ ﺟﻪرﻳﺎﻧﯩﺪﯨﻜﻰ ﻛﻪﭼﻤﯩﺸﻠﯩﺮﯨﯔ، ﻣﻪﻧﯩﯟى ﺟﻪﮬﻪﺗﺘﯩﻜﻰ ﺋﯚرﻟﻪﺷﻠﯩﺮﯨﯔ، ﺑﻮﻟﯘﭘﻤﯘ ﮬﺎزﯨﺮﻗﻰ ﭘﻪﻟﻠﯩﮕﻪ ﻳﯧﺘﯩﺸﯩﯖﮕﻪ ﺑﯩﯟاﺳﯩﺘﻪ ﺗﻪﺳﯩﺮ ﻛﯚرﺳﻪﺗﻜﻪن ﺋﺎﻣﯩﻠلار ﮬﻪﻗﻘﯩﺪە ﺳﯚزﻟﻪپ ﺑﻪرﺳﻪڭ ﻗﺎﻧﺪاق؟ﺋﺎﺑﺪۇﻗﺎدﯨﺮ ﺟﺎلاﻟﯩﺪﯨﻦ: ﺋﯧﺘﯩﺮاپ ﻗﯩﻠﯩﺸﯩﻢ لازﯨﻤﻜﻰ، ﻣﻪن ﺑﯘرۇن ۋۇﺟﯘدﻗﺎ ﭼﯩﻘﺎرﻏﺎن ﺋﯩﺸﻠﯩﺮﯨﻢ ﺑﯩﻠﻪن ﺋﻪﻣﻪس، ﻛﻪﻟﮕﯜﺳﻰ ﮬﻪﻗﻘﯩﺪﯨﻜﻰ ﭘﯩلاﻧﻠﯩﺮﯨﻤﺪﯨﻦ ﺋﺎۋۇﻧﯘپ ﻳﺎﺷﺎﻳﺪﯨﻜﻪﻧﻤﻪن. ﻗﺎراپ ﺑﺎﻗﺴﺎم ﺋﺎﺷﯘ 18 ﻳﯩﻞ ﺟﻪرﻳﺎﻧﯩﺪا، ﺑﯩﺮﻗﺎﻧﭽﻪ ﺋﯩﺠﺎدﯨﻲ ﺋﻪﺳﻪرﻟﻪر ﺗﻮﭘﻠﯩﻤﻰ، ﺑﯩﺮﻗﺎﻧﭽﻪ ﭘﻪﻟﺴﻪﭘﯩﯟى ﻛﯩﺘﺎﺑﻨﻰ ﺗﻪرﺟﯩﻤﻪ ﻗﯩﻠﯩﭗ ﻧﻪﺷﺮ ﻗﯩﻠﺪۇرﻏﺎﻧﺪﯨﻦ ﺑﺎﺷﻘﺎ ﺗﯜزۈك ﺋﯩﺶ ﻗﯩﻠﻤﺎﭘﺘﯩﻤﻪن. ﻳﺎزﻏﺎﻧﻠﯩﺮﯨﻤﻨﻰ ﺋﻪﻳﻨﻰ ۋاﻗﯩﺘﺘﯩﻜﻰ زۆرۈرﯨﻴﻪت ۋە زاﻛﺎزلار ﺗﯜﭘﻪﻳﻠﯩﺪﯨﻦ ﻳﯧﺰﯨﻠﻐﺎن ﻧﻪرﺳﯩﻠﻪر دﯦﺴﻪﻣﻤﯘ ﺑﻮﻟﯩﺪۇ. ﺋﻪﻟﯟەﺗﺘﻪ، ﺋﻪﻗﯩﺪە ﻗﯩﻠﯩﭗ ﻳﺎزﻏﺎن ﺑﯩﺮ ﻗﯩﺴﯩﻢ ﻧﻪرﺳﯩﻠﯩﺮﯨﻤﻤﯘ ﻳﻮق ﺋﻪﻣﻪس، ﻟﯧﻜﯩﻦ، ﺋﺎۋاﻣﻨﯩﯔ ﻳﺎﺧﺸﻰ ﻛﯚرﯨﺪﯨﻐﯩﻨﻰ دەل ژۇرﻧﺎﻟلارﻧﯩﯔ ﺋﯧﮭﺘﯩﻴﺎﺟﻰ ﺗﯜﭘﻪﻳﻠﻰ ﻳﯧﺰﯨﻠﯩﭗ ﻗﺎﻟﻐﺎن ﻧﻪرﺳﯩﻠﻪر ﺑﻮﻟﯩﺪۇﻛﻰ، ﺋﯩﺨلاس ﺑﯩﻠﻪن ﻳﺎزﻏﺎن ﺋﻪﺳﻪرﻟﯩﺮﯨﻢ ﺋﺎز ﺳﺎﻧﺪﯨﻜﻰ ﺋﻮﻗﯘﻣﯘﺷﻠﯘق دوﺳﺘﻠﯩﺮﯨﻤﯩﻨﯔ ﻣﯘﺋﻪﻳﻴﻪﻧﻠﻪﺷﺘﯜرۈﺷﻰ ﺑﯩﻠﻪﻧلا ﭼﻪﻛﻠﻪﻧﺪى.ﭼﯜﺷﻪﻧﺪﯨﻤﻜﻰ ﺋﺎۋاﻣﻨﯩﯖﻤﯘ ﺋﯚز ﺋﯧﮭﺘﯩﻴﺎﺟﻰ ۋە ﺋﯩﺠﺘﯩﻤﺎﺋﯩﻴﻪت دﯨﺘﻰ ﺑﻮﻳﯩﭽﻪ ﺗﺎﻟلاش ﮬﻮﻗﯘﻗﻰ ﺑﺎر. ﺑﯩﺰﻧﯩﯔ ﺗﻪﺳﯩﺮﯨﻤﯩﺰﻣﯘ ﺑﯘلارﻧﻰ ﮬﯚرﻣﻪت ﻗﯩﻠﯩﺶ ﺋﺎﺳﺎﺳﯩﺪا روﻳﺎﭘﻘﺎ ﭼﯩﻘﯩﺪۇ. ﺑﯘلارﻧﻰ ﻗﯩﻠﭽﯩﻤﯘ ﻧﻪزەرﮔﻪ ﺋﺎﻟﻤﺎي ﻗﺎﻳﺴﯩﺪۇر ﺑﯩﺮ ﭘﻪﻳلاﺳﻮﭘﻨﯩﯔ ﭘﻪﻟﺴﻪﭘﻪ ﻗﻪﺳﯩﺮﯨﮕﻪ ﻛﯩﺮﯨﭗ ﻛﯧﺘﯩﭗ، ﺋﯘﻧﯩﯔ ﺗﻪﻟﯩﻤﻠﯩﺮى ﺋﺎرﯨﺴﯩﺪا ﻣﯩﺘﻪ ﺑﻮﻟﯘۋﯦﻠﯩﺸﻨﯩﯔ ﺋﻮرﻧﻰ ﻳﻮﻗﺘﻪك قىلىدۇ. ﺷﯘﻧﺪاق ﻗﯩﻠﯩﭗ، 18 ﻳﯩﻞ ﺋﯚﺗﯜپ ﻛﯩﺘﯩﭙﺘﯘ، ﺗﺎزا ﺑﯧﺮﯨﻠﯩﭗ ﻗﯩﻠﻤﺎﻗﭽﻰ ﺑﻮﻟﻐﺎن ﺋﯩﺸﻠﯩﺮﯨﻢ ﻛﺎﻟلاﻣﺪا ﭘﯩلان ﭘﯧﺘﻰ ﺗﯘرۇﭘﺘﯘ. ﺑﺎش ﭼﯚﻛﯜرۈپ ﺳﺎﻣﺎۋى ﭘﯩﻜﯩﺮﻟﻪر ﺋﺎرﯨﺴﯩﻐﺎ ﺷﯘﯕﻐﯘپ، دەۋر ﮬﺎﻟﻘﯩﻐﺎن ﭘﺎراﺳﻪﺗﻠﻪرﻧﻰ روﻳﺎﭘﻘﺎ ﭼﯩﻘﯩﺮﯨﺶ ﺋﺎﺳﺎن ﺋﻪﻣﻪس. ﭼﯜﻧﻜﻰ، لاﻳﺎﻗﻪﺗﻠﯩﻚ ﺑﯩﺮ ﺋﯩﻨﺴﺎن ﺑﻮﻟﯘﺷﻨﯩﯔ ﺋﯚزى ﺋﺎﺳﺎن ﺋﻪﻣﻪس.
ﺑﯩﺮ ﺋﺎدەم ﮬﻪ دﯦﺴﯩلا ﺗﯩﺮﯨﻜﭽﯩﻠﯩﻚ ﮔﯩﺮداﺑﯩﺪا ﺗﯧﻨﻪپ- ﺗﻪﻣﺘﯩﺮەپ ﻳﯜرۈﺷﻜﻪ ﺑﻪﻧﺪ ﺑﻮﻟﯘپ ﻛﻪﺗﺴﻪ ﻳﺎﻛﻰ ﺗﯩﺮﯨﻜﭽﯩﻠﯩﻚ ﻛﻮﭼﯩﺴﯩﺪا ﻗﯧﻘﯩﻠﯩﭗ ﻳﯜرۈپ، ﺑﯩﻠﯩﻤﮕﻪ ﺑﻮﻟﻐﺎن ﺋﯧﮭﺘﯩﻴﺎﺟﻰ ﺋﯚﻟﯜپ ﻛﻪﺗﻜﻪن ﻣﻪزﻟﯘﻣلار ﺋﺎرﯨﺴﯩﺪا ﺋﺎﺳﺎﺳﯩﻲ ﻣﯘﻗﺎﻣﻐﺎ ﺋﺎﻳلاﻧﻐﺎن ﻣﻪﻧﺘﯩﻘﯩﻠﻪرﮔﻪ ﻣﯘرەﺳﺴﻪ ﻗﯩﻠﻤﯩﺴﺎ ﺑﻮﻟﻤﺎﻳﺪﯨﻐﺎن ﺋﻪﮬﯟاﻟﻐﺎ ﭼﯜﺷﯜپ ﻗﺎﻟﺴﺎ، ﺋﯘﻧﯩﯔ زﯦﮭﻨﻰ ﻳﯜﻛﺴﻪك ﺗﻪﭘﻪﻛﻜﯘرﻧﯩﯔ ﺋﺎﻟﺘﯘن ﺑﻮﺳﯘﻏﯩﺴﯩﺪا ﺑﺎرﻏﺎﻧﭽﻪ ﺧﻮراپ، ﺑﯩﺮ ﻳﻪرﮔﻪ ﺑﺎرﻣﺎي ﻗﺎﻟﻤﺎﻳﺪۇ. ﺳﯘﺑﻴﯧﻜﺘﯩﭗ ﺟﻪﮬﻪﺗﺘﯩﻦ ﺋﺎﻟﻐﺎﻧﺪا، ﻣﯧﻨﯩﯔ ﻗﯩﺰﯨﻘﯩﺶ داﺋﯩﺮەم ﺑﯩﺮ ﻗﻪدەر ﻛﻪڭ ﺑﻮﻟﯘپ، زﯦﮭﻨﯩﻤﻨﻰ ﻣﻪﻟﯘم ﺑﯩﺮ ﻧﯘﻗﺘﯩﻐﺎ ﻣﻪرﻛﻪزﻟﻪﺷﺘﯜرۈپ ﻛﯧﺘﻪﻟﻤﯩﺪﯨﻢ. ﺋﺎﻣﻤﯩﯟى ﭘﺎﺋﺎﻟﯩﻴﻪﺗﻤﯘ ﺧﯧﻠﻰ ﻛﯚپ ۋاﻗﺘﯩﻤﻨﻰ ﺋﺎﻟﺪى. ﻛﯩﺸﯩﻠﻪرﻧﯩﯔ ﺑﯩﺮاۋﻧﯩﯔ ﺋﯩﺸﯩﻨﻰ ﺋﯚﻟﭽﻪﻳﺪﯨﻐﺎن ﺗﺎرازﯨﺴﯩﻨﯩﯔ ﭼﯧﻜﯩﺘﻠﯩﺮﯨﻤﯘ ﮬﻪرﺧﯩﻞ. ﺑﯘلارﻧﻰ زﯨﻴﺎدە ﻧﻪزەرﮔﻪ ﺋﯧﻠﯩﭗ ﻛﯧﺘﯩﺶ ﺋﺎدەﻣﮕﻪ روﮬﯩﻲ ﺑﯧﺴﯩﻢ ﺋﯧﻠﯩﭗ ﻛﯧﻠﯩﺪۇ. ﺋﯩﺸﻘﯩﻠﯩﭗ، ﺋﻪﻗﯩﺪەم ﻳﻮﻟﯩﺪا ﭼﻪﻛﻜﻪن ﺋﯩﺰﺗﯩﺮاﭘﻠﯩﺮﯨﻤﻨﯩﯔ ﮬﻪﻣﻤﯩﺴﻰ ﻣﺎﯕﺎ ﮬﺎﻳﺎﺗﻨﯩﯔ ﻣﻪﻧﯩﺴﯩﻨﻰ ﺋﻪﺳﻜﻪرﺗﯩﭗ ﺗﯘرﯨﺪۇ. ﮬﻪﺳﺮەﺗﻜﻰ، ﻗﺎﻧﭽﯩﻠﯩﻚ ﺋﯚﻣﺮۈﻣﻨﯩﯔ ﺑﺎرﻟﯩﻘﯩﻨﻰ ﺑﯩﻠﻤﻪﻳﻤﻪن، دوﺳﺘلارﻧﯩﯔ ﺋﯜﻣﯩﺪﯨﮕﻪ ﻣﯘﻧﺎﺳﯩﭗ ﻗﯩﻠﯩﺪﯨﻐﺎن ﺋﯩﺸلار ﻛﯚپ.
ﺋﻪزﯨﺰى: ﺳﻪن دەﺳﻠﻪﭘﻜﻰ ﺋﯩﺠﺎدﯨﻴﻪﺗﻨﻰ ﺷﯩﺌﯧﺮﯨﻴﻪﺗﺘﯩﻦ ﺑﺎﺷﻠﯩﻐﺎن ﺋﯩﺪﯨﯔ،ﻛﯧﻴﯩﻦ ﺋﯩﺠﺘﯩﻤﺎﺋﯩﻲ، ﭘﻪﻟﺴﻪﭘﯩﯟى ﻣﺎﻗﺎﻟﯩﻠﻪرﻧﻰ ﻳﯧﺰﯨﭗ ﺟﻪﻣﺌﯩﻴﻪﺗﺘﻪ ﻛﯜﭼﻠﯜك ﺗﻪﺳﯩﺮ ﭘﻪﻳﺪا ﻗﯩﻠﺪﯨﯔ. ﺋﯘﻧﺪاﻗﺘﺎ ﺑﯘ ﺳﻪن ﺋﯜﭼﯜن ﺗﺎﺳﺎدﯨﭙﯩﻲ ﮬﺎﻟﻘﯩﺶ ﮬﯧﺴﺎﺑﻠﯩﻨﺎﻣﺪۇ ﻳﺎﻛﻰ ﺷﯩﺌﯧﺮﯨﻴﻪت ﺑﯩﻠﻪن ﭘﻪﻟﺴﻪﭘﻪ ﺋﻮﺗﺘﯘرﯨﺴﯩﺪا ﻣﻪﻟﯘم ﺋﯚﺗﯜﺷﻤﻪ ﻣﯘﻧﺎﺳﯩﯟەت ﺑﺎرﻣﯘ؟ ﺷﯩﺌﯧﺮﯨﻲ ﺗﻪﭘﻪﻛﻜﯘر ﺑﯩﻠﻪن ﭘﻪﻟﺴﻪﭘﯩﯟى ﺗﻪﭘﻪﻛﻜﯘرﻧﯩﯔ ﻣﯘﻧﺎﺳﯩﯟﯨﺘﯩﻨﻰ ﻗﺎﻧﺪاق ﭼﯜﺷﯩﻨﯩﺴﻪن؟
ﺋﺎﺑﺪۇﻗﺎدﯨﺮ ﺟﺎلاﻟﯩﺪﯨﻦ: ﺋﻪدەﺑﯩﻴﺎت ﺗﺎرﯨﺨﯩﻐﺎ ﻗﺎرﯨﺴﺎم، ﻗﻪﻟﻪم ﺋﻪﮬﻠﯩﻨﯩﯔ ﮬﻪﻣﻤﯩﺴﻰ دﯦﮕﯜدەك ﺋﯚزﯨﻨﯩﯔ ﺑﯩﺮﯨﻨﭽﻰ ﺳﻪﮬﯩﭙﯩﺴﯩﻨﻰ ﺷﯩﺌﯧﺮ ﺑﯩﻠﻪن ﺑﺎﺷلاﻳﺪﯨﻜﻪن. ﺗﻪﺑﯩﺌﻪت ﺷﺎﺋﯩﺮ ﻗﻪﻟﺒﯩﻨﯩﯔ ﺧﯘﺳﯘﺳﯩﻲ ﻟﯘﻏﯩﺘﯩﮕﻪ ﺋﺎﻳلاﻧﻐﺎﻧﺪا، ﺋﯘ ﺳﯚز ۋادﯨﺴﯩﺪا ﻣﯘﻧﺎﺳﯩﭗ زۇۋان ﺋﯩﺰدەﺷﻜﻪ ﺑﺎﺷلاﻳﺪﯨﻜﻪن. ﮬﯧﺴﻠﯩﺮى ﺑﯘلاق ﺑﻮﻟﯘپ ﺗﯧﺸﯩﭗ ﺗﯘرﻏﺎن ﻳﺎﺷﻠﯩﻘﻨﯩﯔ ﻗﺎﻳﺴﯩﺒﯩﺮى ﺷﯩﺌﯧﺮﻏﺎ ﮬﺎﻣﯩﻲ ﺋﻪﻣﻪس. «دوﻧﻜﯩﺨﻮت» روﻣﺎﻧﯩﺪا «18 ﻳﯧﺸﯩﺪا ﻧﺎﺧﺸﺎ ﺋﯧﻴﯩﺘﻤﯩﻐﺎن ﻛﯩﻢ ﺑﺎر» دﯦﮕﻪن ﺑﯩﺮ ﺳﯚز ﺑﺎر. ﻣﯧﻨﯩﯖﭽﻪ، ﮬﻪرﻗﺎﻧﺪاق ﭘﻪﻟﺴﻪﭘﻪ ﺷﯩﺌﯧﺮدﯨﻦ ﺑﺎﺷﻠﯩﻨﯩﺪۇ، ﻗﻪدﯨﻤﻜﻰ ﻳﯘﻧﺎﻧﻠﯩﻘلار «ﭘﻪﻟﺴﻪﭘﻪ ﮬﻪﻳﺮان ﻗﯧﻠﯩﺸﺘﯩﻦ ﺑﺎﺷﻠﯩﻨﯩﺪۇ» دﯦﮕﻪن ﺋﯩﻜﻪن. ﺷﯩﺌﯧﺮﻣﯘ ﮬﻪﻳﺮان ﻗﯧﻠﯩﺸﻘﯘ ﺋﺎﺧﯩﺮ!؟ ﺑﯘﻧﯩﯖﺪﯨﻦ ﻗﺎرﯨﻐﺎﻧﺪا، ﺷﯩﺌﯧﺮ ﺑﯩﻠﻪن ﭘﻪﻟﺴﻪﭘﻪ ﻗﺎﻧﺪاﺷﻠﯩﻘﻘﺎ ﺋﯩﮕﻪ. ﺋﺎدەﺗﺘﻪ، ﭘﻪﻳلاﺳﻮﭘلار ﺷﯩﺌﯧﺮدﯨﻦ زوق ﺋﺎﻟﯩﺪۇ، ﺷﺎﺋﯩﺮلار ﭘﻪﻳلاﺳﻮﭘلاردﯨﻦ زوق ﺋﺎﻟﯩﺪۇ. ﺷﯩﺌﯧﺮﯨﻲ ﺗﻪﭘﻪﻛﻜﯘر دﯨﮕﻪن ﺑﯩﺮ ﻧﻪرﺳﻪ ﺑﺎر دﯦﻴﯩﻠﺴﻪ، ﺋﯘ ﺗﯘﻳﻐﯘﻧﻰ ﺋﺎﺳﺎﺳﯩﻲ ﻣﻪزﻣﯘن ﻗﯩﻠﯩﺪۇ، ﭘﻪﻟﺴﻪﭘﻪ ﺑﻮﻟﺴﺎ، ﺋﯩﺪراﻛﯩﻲ رەۋﯨﺸﺘﻪ روﻳﺎﭘﻘﺎ ﭼﯩﻘﯩﺪۇ. ﺋﯧﻤﯧﺮﺳﻮن: «ﺷﯩﺌﯧﺮﻧﻰ ۋۇﺟﯘدﻗﺎ ﻛﻪﻟﺘﯜرﯨﺪﯨﻐﺎن ﻧﻪرﺳﻪ ﻗﺎﭘﯩﻴﻪ ﺋﻪﻣﻪس، ﺑﻪﻟﻜﻰ، ﻗﺎﭘﯩﻴﯩﻨﻰ ﺗﻪﺷﻜﯩﻠﻠﻪﻳﺪﯨﻐﺎن ﻣﻪزﻣﯘن ﻳﻪﻧﻰ ﺋﯘرﻏﯘپ ﺗﯘرﻏﺎن ﺋﯩﺪﯨﻴﻪ، ﺋﯘ ﺧﯘددى ﺋﯚﺳﯜﻣﻠﯜﻛﻨﯩﯔ ﺟﻪۋﮬﯩﺮﯨﮕﻪ ﺋﻮﺧﺸﺎش ﺋﯚز- ﺋﯚزﯨﻨﻰ ﺗﻪﺷﻜﯩﻞ ﻗﯩﻠﯩﺪۇ» دﯦﮕﻪن ﺋﯩﺪى. ﺑﯘﻧﯩﯖﺪﯨﻦ ﺷﯩﺌﯧﺮ ﺋﺎﻟﺪى ﺑﯩﻠﻪن ﭼﺎﭘﭽﯩﭗ ﺗﯘرﻏﺎن ﺑﯩﺮﺧﯩﻞ روﮬﯩﻲ ﮬﺎﻟﻪت دﯦﮕﻪن ﻳﻪﻛﯜﻧﮕﻪ ﻛﯧﻠﯩﺶ ﻣﯘﻣﻜﯩﻦ. ۋﯦﺘﯩﮕﯩﻨﯩﺴﺘﯧﻦ:«ﭘﻪﻟﺴﻪﭘﯩﻨﯩﯔ ﻣﻪﻗﺴﯩﺘﻰ ﺋﯩﺪﯨﻴﯩﻨﻰ ﻟﻮﮔﯩﻜﺎ ﺟﻪﮬﻪﺗﺘﯩﻦ ﺋﯧﻨﯩﻘلاﺷﺘﯘرۇش»دﯦﮕﻪن ﺋﯩﺪى.
ﻗﺎرﯨﻐﺎﻧﺪا،ﺷﯩﺌﯧﺮ دۇﻧﻴﺎﻧﻰ ﺋﯘﻗﯘﻣﺪﯨﻦ ﺧﺎلاس ﻗﯩﻠﯩﭗ، ﺋﻪﭘﺴﺎﻧﯩلاﺷﺘﯘرۇپ، ﺧﺎﺳﻠﯩﻘﻘﺎ ﺋﯩﮕﻪ ﻗﯩﻠﯩﺪۇ. ﭘﻪﻟﺴﻪﭘﻪ ﻗﺎرﯨﻤﺎﻗﻘﺎ ﺗﻪرﺗﯩﭙﺴﯩﺰ، ﺋﯘچ- ﭼﯧﻜﻰ ﻳﻮق دۇﻧﻴﺎﻧﻰ ﺋﯘﻗﯘﻣلاﺷﺘﯘرۇپ ﻛﯚرﺳﯩﺘﯩﺪۇ. ﺷﯩﺌﯧﺮ ﺑﯩﻠﻪن ﭘﻪﻟﺴﻪﭘﯩﻨﯩﯔ ﮬﻪر ﺋﯩﻜﻜﯩﺴﻰ ﺋﯩﻨﺴﺎﻧﻨﯩﯔ ﺋﯚزى ﺑﯩﻠﻪن دۇﻧﻴﺎ ﺋﻮﺗﺘﯘرﯨﺴﯩﺪﯨﻜﻰ ﻣﯘﻧﺎﺳﯩﯟەﺗﻨﯩﯔ ﺋﯚزﮔﯩﭽﻪ ﺗﻪﺳﯟﯨﺮى. ﺳﻮﻗﺮات: «ﺗﻪﺟﺮﯨﺒﯩﺪﯨﻦ ﺋﯚﺗﻤﯩﮕﻪن ﺗﯘرﻣﯘﺷﻨﻰ ﻳﺎﺷﯩﻐﯩﻠﻰ ﺑﻮﻟﻤﺎﻳﺪۇ، ﺷﯘﯕﺎ، ﺑﯩﺰ ﺋﻪﻗﯩﻠﻨﯩﯔ ﻳﯧﺘﻪﻛﻠﯩﺸﯩﻨﻰ ﻗﻮﺑﯘل ﻗﯩﻠﺸﯩﻤﯩﺰ ﻛﯧﺮەك» دەﻳﺪۇ.
ﻣﻪﻟﯘم ﻣﻪﻧﯩﺪە ﺷﯩﺌﯧﺮ ﺑﺎﻟﯩلارﻏﺎ، ﭘﻪﻟﺴﻪﭘﻪ ﺑﻮۋاﻳﻐﺎ ﺋﻮﺧﺸﺎﻳﺪۇ. ﺑﺎﻟﯩلارﻧﯩﯔ ﻧﻪزﯨﺮﯨﺪﯨﻜﻰ دۇﻧﻴﺎ ﭼﯚﭼﻪﻛﻠﻪردﯨﻜﯩﺪەك رەﯕﺪار ۋە ﺋﯚزﮔﯩﺮﯨﺸﭽﺎن. ﺑﻮۋاﻳلارﻧﯩﯔ ﻧﻪزﯨﺮﯨﺪﯨﻜﻰ دۇﻧﻴﺎ ﺗﻪﺟﺮﯨﺒﻪ- ﺳﺎۋاﻗلارﻧﯩﯔ دۆۋﯨﺴﻰ. ﺷﯘﯕﺎ، ﭘﯩﺸﻘﺎن ﺑﯩﺮ ﻣﯩﻠﻠﻪﺗﻨﯩﯔ ﺷﺎﺋﯩﺮى ﺑﻮﻟﯘش ﺑﯩﻠﻪن ﺑﯩﺮﮔﻪ ﭘﻪﻳلاﺳﻮﭘﻰ ﺑﻮﻟﯩﺪۇ. ﺑﯘﻧﺪاق ﻣﯩﻠﻠﻪت دۇﻧﻴﺎﻧﻰ ﺳﯧﺰﯨﺪۇ، ﺋﯘﻗﯘﻣلاﺷﺘﯘرﯨﺪۇ ۋە ﺋﯚز ﺋﯘﻗﯘﻣﯩﻨﯩﯔ ﺗﺎﻣﻐﯩﺴﯩﻨﻰ ﺑﯧﺴﯩﭗ، ﺋﯚزﯨﮕﻪ ﺧﺎس ﺳﯩﻤﯟول ﺳﺴﺘﯧﻤﯩﺴﯩﻨﻰ ﻳﺎرﯨﺘﯩﺪۇ. ﻣﻪن ﺋﯩﻤﻜﺎﻧﻘﻪدەر ﺋﯚزۈﻣﻨﯩﯔ ﭘﻪﻟﺴﻪﭘﻪ ﺑﯩﻠﻪن ﺷﯩﺌﯧﺮﻧﯩﯔ ﺑﺎلاﻏﻪﺗﻠﯩﻚ ﻗﻮﺷﯘﻟﯘﺷﯩﻨﻰ ﻧﺎﻣﺎﻳﺎن ﻗﯩﻠﺴﺎم دەﻳﻤﻪن. ﻟﯧﻜﯩﻦ، ﺑﯘ ﺋﺎﺳﺎن ﻗﻮﻟﻐﺎ ﻛﯧﻠﯩﺪﯨﻐﺎن ﺗﻪﻟﻪي ﺋﻪﻣﻪس.
ﺋﻪزﯨﺰى: ﮬﯧﺲ ﻗﯩﻠﯩﺸﯩﻤﭽﻪ ﺋﯩﺠﺘﯩﻤﺎﺋﯩﻲ، ﭘﻪﻟﺴﻪﭘﯩﯟى ﻛﯚزﯨﺘﯩﺸﻠﯩﺮﯨﯖﻨﯩﯔ ﭼﻮﯕﻘﯘرﻟﯩﺸﯩﺸﯩﻐﺎ ﺋﻪﮔﯩﺸﯩﭗ، ﻧﯩﺘﭽﻰ، ﻣﺎﻛﻴﺎۋﯦﻠﻠﻰ، ﻣﻮرﺗﯧﻤﯩﺮ ﺋﺎدﻟﯧﺮ ﻗﺎﺗﺎرﻟﯩﻖ ﻏﻪرﺑﻨﯩﯔ ﮔﯩﮕﺎﻧﯩﺖ ﭘﻪﻳلاﺳﻮﭘﻠﯩﺮﯨﻨﯩﯔ دۇﻧﻴﺎۋى ﺗﻪﺳﯩﺮﮔﻪ ﺋﯩﮕﻪ ﺳﻪرﺧﯩﻞ ﺋﻪﺳﻪرﻟﯩﺮﯨﻨﻰ ﺋﯘﻳﻐﯘر ﺗﯩﻠﯩﻐﺎ ﺗﻪرﺟﯩﻤﻪ ﻗﯩﻠﯩﭗ ﺗﻮﻧﯘﺷﺘﯘردۇڭ. ﺑﯘ ﺋﻪﻟﯟەﺗﺘﻪ ﺳﻪن ﺋﯜﭼﯜن ﺗﻪرﺟﯩﻤﻪ ﻗﯩﻠﯩﺶ ﺋﯜﭼﯜﻧلا ﻗﯩﻠﯩﻨﻐﺎن، ﻧﯩﺸﺎﻧﺴﯩﺰ ﺋﯩﺶ ﺑﻮﻟﻤﯩﺴﺎ ﻛﯧﺮەك. ﻳﯘﻗﯩﺮﯨﻘﻰ ﭘﻪﻳلاﺳﻮﭘلارﻧﯩﯔ ﺳﯧﻨﯩﯔ ﭘﻪﻟﺴﻪﭘﯩﯟى ﺋﯩﺰدﯨﻨﯩﺸﻠﯩﺮﯨﯖﮕﻪ ﻗﺎﻳﺴﻰ ﺟﻪﮬﻪﺗﺘﯩﻦ ﺗﻪﺳﯩﺮ ﻛﯚرﺳﻪﺗﻜﻪﻧﻠﯩﻜﯩﻨﻰ ﺳﯚزﻟﻪپ ﺑﻪرﺳﻪڭ ﻗﺎﻧﺪاق؟
ﺋﺎﺑﺪۇﻗﺎدﯨﺮ ﺟﺎلاﻟﯩﺪﯨﻦ: ﺋﺎﻟﯩﻲ ﻣﻪﻛﺘﻪپ ﻳﯩﻠﻠﯩﺮﯨﻤﺪا، ﺋﻮﻗﯘﺗﻘﯘﭼﯘﻣﻨﯩﯔ ﺗﻪﺳﯩﺮى ﺑﯩﻠﻪن ﻟﯘﺷﯜن ﺋﻪﺳﻪرﻟﯩﺮﯨﻨﻰ ﻗﯩﺰﯨﻘﯩﭗ ﺋﻮﻗﯘﻳﺘﺘﯘم. « ﺷﺎﻳﺎﺗﯘﻧلارﻧﯩﯔ ﺷﯩﺌﯧﺮﯨﻲ ﻗﯘۋۋﯨﺘﻰ ﺗﻮﻏﺮﯨﺴﯩﺪا» دﯦﮕﻪن ﻣﺎﻗﺎﻟﯩﻨﯩﯔ ﺑﯧﺸﯩﺪا ﺑﯧﺮﯨﻠﮕﻪن ﺑﯩﺮ ﭘﺎرﭼﻪ ﺋﯧﭙﯩﮕﺮاف دەل ﻧﯧﺘﭽﯩﻨﯩﯔ ﺋﯩﺪى. ﺋﯘ ﺳﯚز ﻣﯧﻨﻰ ﺧﯩﻠﻰ ﺋﻮﻳلاﻧﺪۇرﻏﺎن ﺋﯩﺪى. ﺧﯩﺰﻣﻪت ﻣﯘﻧﺎﺳﯩﯟﯨﺘﻰ ﺑﯩﻠﻪن ﻗﻪﺷﻘﻪردﯨﻦ ﺋﯜرۈﻣﭽﯩﮕﻪ ﻛﻪﻟﺪﯨﻢ ۋە ﺋﻪدەﺑﯩﻴﺎت ﺋﻪﮬﻠﻰ ﺑﯩﻠﻪن ﻛﻪڭ داﺋﯩﺮﯨﺪە ﺋﯘﭼﺮاﺷﺘﯩﻢ. ﺋﯘ ﭼﺎﻏلاردا ﻣﯧﻨﯩﯔ ﮬﺎﻳﺎﺗﯩﻢ ﻗﯩﺰﻏﯩﻦ ﺋﻪدەﺑﯩﻴﺎت ﺳﻮرۇﻧﯩﻐﺎ ﺋﺎﻳﻠﯩﻨﯩﭗ ﻛﯧﺘﻪﺗﺘﻰ. ﮬﺎزﯨﺮ ﺋﻮﻳﻠﯩﺴﺎم ﺋﯘ ﻛﻪﺑﻰ ﻗﯩﺰﻏﯩﻦ ﮬﺎۋاﻧﻰ ﺗﺎﭘﻘﯩﻠﻰ ﺑﻮﻟﻤﺎﻳﺪﯨﻐﺎﻧﺪەك ﮬﯧﺲ ﻗﯩﻠﯩﻤﻪن.
ﻣﻮدﯦﺮﻧﯩﺰم ﺋﻪدەﺑﯩﻴﺎﺗﯩﻐﺎ ﺋﯩﭽﻜﯩﺮﯨﻠﻪپ ﻛﯩﺮﯨﺶ ﺗﻪﻗﻪززاﺳﻰ ﻣﯧﻨﻰ ﻧﯧﺘﭽﻰ ﺋﻪﺳﻪرﻟﯩﺮﯨﻨﯩﯔ ﺧﻪﻧﺰۇﭼﻪ ﺗﻪرﺟﯩﻤﯩﺴﻰ ﺑﯩﻠﻪن ﺋﯘﭼﺮاﺷﺘﯘردى. ﺋﯘﻧﯩﯔ ﺋﯩﺪﯨﻴﯩﺴﻰ ﻳﺎﺷﻠﯩﻘﺘﺎ ﺑﻮﻟﯩﺪﯨﻐﺎن ﮬﻪﻣﻤﯩﺪﯨﻦ رازى ﺑﻮﻟﻤﺎﺳﻠﯩﻖ، ﺋﯚزﯨﮕﻪ ﺋﯩﺸﯩﻨﯩﺶ، ﺋﯚزﯨﻨﻰ ﻳﯧﯖﯩلاﺷﺘﻪك ﺋﯩﻨﺘﯩﻠﯩﺸﻠﯩﺮﯨﻤﮕﻪ ﻣﻪدەت ﺑﯧﺮﯨﭗ، ﺳﻪۋداﻟﯩﻖ ۋادﯨﺴﯩﻐﺎ ﺋﺎﭘﺎرﻏﯩﻠﻰ ﺗﺎس ﻗﺎﻟﺪى.ﺋﯘﻧﯩﯔ ﺋﻪﺳﻪرﻟﯩﺮﯨﺪﯨﻜﻰ ﺗﯧﺮەن ﮬﯧﻜﻤﻪت ﺑﯩﻠﻪن ﺑﻮراﻧﺪەك ﺷﺎﺋﯩﺮاﻧﻪ ﺗﯘﻳﻐﯘلارﻧﯩﯔ ﮔﯩﺮەﻟﻪﺷﻤﯩﺴﻰ ﺑﻪﺋﻪﻳﻨﻰ ﭼﺎﻗﻤﺎق ﭼﯧﻘﯩﯟاﺗﻘﺎن ﺑﯘﻟﯘﺗﻠﯘق ﺋﯘﭘﯘﻗﻨﻰ ﺋﺎﻟﺪﯨﻤﻐﺎ ﻳﺎﻳﻐﺎﻧﺪەك ﺑﻮلاﺗﺘﻰ. ﺑﯘ ﺧﯘﺳﯘﺳﯩﻴﻪﺗﻠﻪر ﺋﻪدەﺑﯩﻴﺎﺗﯩﻤﯩﺰدﯨﻜﻰ ﺋﻪزﻣﻪ، راﻳﯩﺶ ﺧﺎراﻛﺘﯧﺮلارﻧﻰ ﺋﺎز - ﺗﻮلا ﺑﻮﻟﺴﯩﻤﯘ ﺗﺎزﯨلاﻳﺪۇ دەپ ﺋﯩﺸﯩﻨﻪﺗﺘﯩﻢ. «زورۇ ﺋﺎﺳﺘﯧﺮ ﺷﯘﻧﺪاق دەﻳﺪۇ» ﻧﻰ ﺋﻪﻧﻪ ﺷﯘﻧﺪاق ﺋﯩﻠﮭﺎﻣﻨﯩﯔ ﺗﯜرﺗﻜﯩﺴﯩﺪە ﺗﻪرﺟﯩﻤﻪ ﻗﯩﻠﯩﭗ ﭼﯩﻘﺘﯩﻢ. ﻣﺎﻛﻴﺎۋﯦﻠﻠﯩﻨﯩﯔ «ﮬﯚﻛﯜﻣﺪارلار دەﺳﺘﯘرى» دﯦﮕﻪن ﺋﻪﺳﯩﺮﯨﮕﻪ ﻛﻪﻟﺴﻪك، ﺑﯘ ﺋﻪﺳﻪر ﻏﻪرب ﺳﯩﻴﺎﺳﯩﻲ ﺗﻪﭘﻪﻛﻜﯘرﯨﻨﯩﯔ زاﻣﺎﻧﯩﯟى ﺑﯩﺮ دەۋرﮔﻪ ﻛﯚﭼﯜﺷﯩﮕﻪ زور ﺗﻪﺳﯩﺮ ﻛﯚرﺳﻪﺗﻜﻪن ﺋﻪﺳﻪر. ﻣﻪن ﺑﯘ ﺋﻪﺳﻪرﻧﻰ ﻧﻪﺷﺮﯨﻴﺎﺗﭽﻰ دوﺳﺘﯩﻤﯩﺰ ﺋﻪﻛﺒﻪر ﺋﯧﻠﯩﻨﯩﯔ ﺗﻪﺷﻪﺑﺒﯘﺳﻰ ﺑﯩﻠﻪن ﺗﻪرﺟﯩﻤﻪ ﻗﯩﻠﯩﭗ ﭼﯩﻘﺘﯩﻢ (ﻣﻮرﺗﯧﻤﯩﺮ ﺋﺎدﻟﯧﺮﻧﯩﯔ «ﻏﻪرﺑﻨﯩﯔ ﺗﻪﭘﻪﻛﻜﯘرى» دﯦﮕﻪن ﻛﯩﺘﺎﺑﯩﻨﯩﻤﯘ ﺋﻪﻛﺒﻪر ﺋﯧﻠﯩﻨﯩﯔ ﺗﻪﺷﻪﺑﺒﯘﺳﻰ ﺑﯩﻠﻪن ﺗﻪرﺟﯩﻤﻪ ﻗﯩﻠﯩﻐﺎن ﺋﯩﺪﯨﻢ. ﻣﻪن ﺑﯘﻳﻪردە ﺋﯘﻧﯩﯔ ﺋﻪﺳﻪر ﺗﻮﻧﯘﻳﺪﯨﻐﺎن دﯨﺘﯩﻨﻰ ۋە ﺋﯩﻠﮭﺎﻣﺒﻪﺧﺶ ﺧﯩﺰﻣﻪت ﺋﯘﺳﯘﻟﯩﻨﻰ ﻳﺎﻗﺘﯘرﯨﺪﯨﻐﺎﻧﻠﯩﻘﯩﻤﻨﻰ ﺋﯩﺰﮬﺎر ﻗﯩﻠﯩﺶ ﺑﯩﻠﻪن ﺑﯩﺮﮔﻪ، ﻛﯩﺸﯩﻠﯩﺮﯨﻤﯩﺰدە ﺷﯘﻧﺪاق ﺑﯩﺮ روﮬﻨﯩﯔ ﺋﺎﺟﯩﺰلاپ ﻛﯧﺘﯩﯟاﺗﻘﺎﻧﻠﯩﻘﯩﻐﺎ ﺋﻪﭘﺴﯘس ﺑﯩﻠﺪۈرﯨﻤﻪن).
مەسئۇل مۇھەررىر : ھەبىبە ئىسمائىل
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
