خەلق تورى ئۇيغۇرچە قانىلىنىڭ 28-مارت بېيجىڭدىن بەرگەن تېلېگراممىسى: 27-چېسلا، گوۋۇيۈەن زۇڭلىسى لې كېچياڭ چىفېڭ شەھىرى تيېنەن رايونىدا كەپىلىكلەرنى كۆزدىن كەچۈردى. لې كېچياڭ ماشىنىدىن چۈشۈپلا قۇمساڭ تۆپىلىككە چىقىپ تيېنەن كەپىلىكلەر رايونىنىڭ ئومۇمىي قىياپىتىنى كۆزدىن كەچۈرگەندە، ئاياق ۋە پۇچقاقلىرى چاڭ ـ توزانغا مىلەنگەن ئىدى. لې كېچياڭ كەپىلىكلەرنىڭ ئۆزگەرتىلىش ئەھۋالىنى ئەستايىدىل سۈرۈشتۈردى ۋە ھەرگىزمۇ بىر تەرەپنىڭ ئېگىز بىنا يەنە بىر تەرەپنىڭ تۇتاش كەپىلىكلەر رايونى بولسا بولمايدىغانلىقىنى تەكىتلىدى. مېڭىش ئالدىدا، ئۇ چۆرىسىگە ئولاشقان كەپىلىك رايونىدىكى ئاھالىلەرگە: «سىلەرنىڭ چوقۇم ئۆيۈڭلار بار بولىدۇ، كېلەر قېتىم مەن يېڭى ئۆيۈڭلارنى كۆرگىلى كىلىمەن» دېدى.