ئىختىيارىي مۇخبىرىمىز ئابلىز ئۆمەر ھاجى، قېيۇم قادىر خەۋىرى: بۇ يىللىق نورۇز بايرىمى ئالدىنقى يىللاردىكىدىن مول مەزمۇنلۇق بولدى، مۇشۇ ئاينىڭ 19 – كۈنى ۋە 20 – كۈنلىرى قومۇل شەھىرىنىڭ قارادۆۋە بازىرىدا، شەھەر ئىچى يېزىسىنىڭ جىگدە قۇدۇق كەنتى، پائۋانتۇر بازىرىنىڭ غولئېرىق كەنتى، غەربىي ئۆستەڭ ئىش باشقارمىسى ئارا ئاقيەر كەنتى ۋە راھەتباغ يېزىسىنىڭ بۇرو، دۆشتۇر، قاراتال قاتارلىق كەنتلىرىدە قىزىقارلىق نورۇز پائالىيەتلىرى ئۆتكۈزۈلدى. «شىنجاڭ گېزىتى»، شىنجاڭ تېلېۋىزىيە ئىستانىسى، قومۇل خەلق رادىيو ئىستانىسىسى ۋە « قومۇل گېزىتى» قاتارلىق ئاخبارات ئورۇنلىرىنىڭ مۇخبىرلىرى ئاممىۋى لۇشيەن تەربىيەسىگە بىرلەشتۈرۈپ قانات يايدۇرۇلغان بۇ پائالىيەتلەنى ۋاقتىدا، جانلىق خەۋەر قىلىش ئۈچۈن، ھەرقايسى پائالىيەت مەيدانلىرىدا زىيارەتتە بولدى. بۇ يىللىق نورۇز پائالىيەتلىرىدە ھەرقايسى كەنتلەرگە چۈشكەن خىزمەت ئەترەتلىرىنىڭ ئەزالىرىمۇ ناھايىتى ئاكتىپ رول ئوينىدى.
بۇ يىلقى نورۇز پائالىيەتلىرىدە مول مەزمۇنلۇق سەنئەت نومۇرلىرى كۆرسىتىلگەندىن باشقا، يەنە ئارغامچا تارتىشىش، چېلىش، ئېشەك بەيگىسى، قۇم دۆۋىسىگە يامىشىپ چىقىش، توخۇ سوقۇشتۇرۇش، قوشقار سوقۇشتۇرۇش قاتارلىق قىزىقارلىق ئاممىۋى پائالىيەتلەرمۇ ئۆتكۈزۈلۈپ، ئاممىنىڭ مەنىۋى تۇرمۇشى بېيىتىلدى. پائالىيەتتە نورۇز ئېشى ـئۈندۈرمە)، يارما، پولۇ قاتارلىق ئەنەئەنىۋى تاماقلار ئېتىلدى.