سەككىز يېرىم كۈنلۈك يىغىن مەزگىلىدە ، شىنجاڭدىن كەلگەن ۋەكىللەر ئىسلاھاتنى ئومۇميۈزلۈك چوڭقۇرلاشتۇرۇش قاتارلىق چوڭ تېمىلارنى زىچ چۆرىدىگەن ھالدا ئەستايىدىل قاراپ چىقىپ ، چوڭقۇر مۇزاكىرە قىلىپ ، ئىقتىساد ، مەدەنىيەت ، جەمئىيەت ، مائارىپ ، دېھقانچىلىق–يېزا ئىگىلىكى ۋە دېھقانلار ، ئېكولوگىيەلىك مەدەنىيەت قۇرۇلۇشى ۋە تۈزۈم ئىسلاھاتى قاتارلىق مەزمۇنلارنى ئۆ‍ز ئىچىگە ئالغان 4 پارچە تەكلىپ ۋە 280 پارچە تەۋسىيە يوللىدى . 　　ۋەكىللەر بەس–بەستە مەملىكەتلىك ئىككى يىغىن روھىنى ئەستايىدىل ئىزچىللاشتۇرۇپ ، يىغىن روھىنى خىزمەت ئەمەلىيىتىگە زىچ بىرلەشتۈرۈپ ، تۈرلۈك خىزمەتلەرنى پۈتۈن كۈچ بىلەن ياخشى ئىشلەپ ، گۈللەنگەن ، باي ، ئىناق، گۈزەل شىنجاڭ قۇرۇش ئۈچۈن تېخىمۇ زور تۆھپىلەرنى قوشىدىغانلىقىنى بىلدۈرۈشتى .

ھەلىمە بۇنىڭغا قارىتا تۆۋەندىكىدەك ئىككى تەكلىپ بەردى: 1. «بىر بەلباغدا بىر يول بولۇش ئىستىراتىگىيەسى»دە خەلق قەلبىنى مايىل قىلىش، يۇمشاق كۈچلەرنى تەرەققىي قىلدۇرۇش، دۆلەتنىڭ تەسىرىنى كۈچەيتىشنى مەركىزىي ئورۇنغا قويۇش كېرەك. 　　2. قىزىل كرسىت جەمئىيىتىنىڭ ئەنئەنىۋى ئەۋزەللىكى ۋە ئۆزگىچە رولىنى تولۇق جارى قىلدۇرۇش، «بىر بەلباغدا بىر يول» ئىستىراتېگىيەسى قۇرۇلۇشىدا كونكرېت مەجبۇرىيەتنى ئۈستىگە ئېلىپ، جۇڭگو «قىزىل كرىست جەمئىيىتى»نى يۇمشاق كۈچ قۇرۇلۇشىدىكى ئاساسىي قوشۇن قىلىپ چىقىش. شۇڭلاشقا، جۇڭگو قىزىل كرىست جەمئىيىتىنى «بىر بەلباغدا بىر يول» بولۇش ئىستىراتىگىيەسى يۇمشاق كۈچ قۇرۇلۇشىدىكى يادرلۇق ئەزا ئورگانلار قاتارىغا كىرگۈزۈش تەكلىپىنى بېرىمەن.

　　مەملىكەتلىك ئىككى يىغىن مەزگىلىدە، ئاتاقلىق مىللەتشۇناسلىق مۇتەخەسسىسى، جۇڭگو ئىجتىمائىي پەنلەر ئاكادېمىيەسى مىللەت ۋە ئىنسانىيەتشۇناسلىق تەتقىقات ئورنىنىڭ باشلىقى ئەزا خاۋ شىيۈەن ئىستانسىمىز مۇخبىرىنىڭ مەخسۇس زىيارىتىنى قوبۇل قىلغاندا مۇنۇلارنى بىلدۈردى: مىللىي تېررىتورىيەلىك ئاپتونومىيە تۈزۈمى ئېلىمىزنىڭ تۈپ سىياسىي تۈزۈمى، مىللىي مەسىلىنى ھەل قىلىشنىڭ تۈپ تۈزۈم خاراكتېرلىك كاپالىتى، مىللىي تېررىتورىيەلىك ئاپتونومىيە تۈزۈمىنى ئىسلاھات ئارقىلىق ئۈزلۈكسىز مۇكەممەللەشتۈرۈش كېرەك. 　　ئەزا خاۋ شىيۈەن مۇنداق دېدى: زۇڭلى لى كېچياڭ ھۆكۈمەت خىزمىتىدىن بەرگەن دوكلاتىدا مىللىي تېررىتورىيەلىك ئاپتونومىيە تۈزۈمىدە چىڭ تۇرۇش ۋە ئۇنى مۇكەممەللەشتۈرۈشنى يەنە بىر قېتىم تەكىتلەپتۇ، مېنىڭچە تۈزۈمگە ئىشىنىش شۇنداقلا تۈزۈلگەن تۈزۈمنى تىرىشىپ مۇكەممەللەشتۈرۈش كېرەك. 　　خاۋ شىيۈەن دۆلەتنىڭ شىنجاڭ، شىزاڭغا ياردەم بېرىش مەسىلىسى ھەققىدە مۇنۇلارنى بىلدۈردى: شەرقىي قىسىمنىڭ تەجرىبىسىنى ئەينەن كۆچۈرۈپ كېلىش ھەرقانداق رايوننىڭ ئەمەلىيىتىگە ئۇيغۇن كېلىشى ناتايىن، ئاچقۇچلۇقى شۇ يەردىكى ئاز سانلىق مىللەت ئاممىسىنىڭ تۈپ مەنپەئەتىگە ئۇيغۇن كېلىش كەلمەسلىكىدە، بۇ مەسىلىنى ھەل قىلىش ئۈچۈن ئەڭ مۇھىمى ئاز سانلىق مىللەت ئىشچىلار سىنىپى قوشۇنىنى يېتىلدۈرۈش لازىم، ھازىر نۇرغۇن دۆلەت كارخانىلىرى شىنجاڭ، شىزاڭ، ئىچكى موڭغۇل قاتارلىق رايونلارنىڭ بايلىقىنى ئىچىشقا كىردى، ئۇلارنىڭ نۇرغۇنلىرى شۇ جايدىكى ئاز سانلىق مىللەتلەرنى بايلىقنى ئېچىش قۇرۇلۇشىغا قاتناشتۇرمىغانلىقتىن شۇ جايدىكى مىللەتلەردە خۇددىي بايلىقنى ئۇلار ئېلىپ كېتىۋاتقاندەك، ئۇلار بىلەن قىلچە مۇناسىۋىتى يوقتەك ھىسسيات پەيدا بولۇپ قالدى، ئەگەر يەرلىك مىللىي ئاممىنى بايلىقنى ئېچىشقا جەلپ قىلسا ئۇلار ئۇنداق دەپ قارىمايتتى.

ئىككى يىغىن مەزگىلىدە، كىشىلەر ماۋ شىنيۈنى «ماۋ ئەزا» دەپ ئاتاشنى بەكرەك ياقتۇردى. چۈنكى ئۇنىڭ مەملىكەتلىك سىياسىي كېڭەش ئەزاسى بولغانلىقىدىن باشقا، ئۇنىڭ بوۋىسى ماۋ زېدوڭ ئالدىنقى ئەسىرنىڭ 20-، 30-يىللىرىدىكى ئىنقىلاب ھاياتىدا ئامما تەرىپىدىن «ماۋ ئەزا» دەپ ئاتالغان. داھىينىڭ ئەۋلادى بولۇش سۈپىتى بىلەن، ئەزا ماۋ شىنيۈ ئىنتايىن قارشى ئېلىندى، ئۇنىڭ چىقىشقاقلىقى كۆپچىلىككە چوڭقۇر تەسىر قالدۇردى.