خەلق تورى ئۇيغۇرچە قانىلىنىڭ 17-مارت بېيجىڭدىن بەرگەن تېلېگراممىسى: ئەخمەتجان ھوشۇر خەۋىرى، فوتوسى: بۇ يىل 2-ئاينىڭ 12-كۈنى خوتەن ۋىلايىتىنىڭ كېرىيە ناھىيەسىدە 7.3 بال يەر تەۋرەپ خەلقنىڭ مال-مۈلكىگە ئېغىر ئىقتىسادىي زىيان يەتكەن. خەۋەرنى ئاڭلىغان كورلا شەھەرلىك مېھرىبان ئانىلار جەمئىيىتىنىڭ باش قۇرغۇچىسى ھەمراخان خالىق كورلا شەھىرىدىكى مېھرىبان ئانىلارنى تەشكىللەپ، 30 مىڭ يۈەن نەق پۇل، ۋە يوتقان-كۆرپە، كىيىم-كېچەك،نان قاتارلىق تۇرمۇش لازىمەتلىكلىرى ۋە يىمەكلىكلەرنى ئېلىپ ئاپەت رايونىغا بېرىپ، شۇ جايدىكى ئاپەتكە ئۇچرىغان ئاممىغا ئىللىقلىق يەتكۈزدى. ھەمدە ئۇلارنىڭ يۇرت-ماكانلىرىنى قايتىدىن قۇرۇپ، بەختلىك تۇرمۇش كەچۈرىشىگە ياردەم بەردى.سۈرەتتە: مېھرىبان ئانىلار ۋەكىلى ھەمراخان خالىق بىلەن پەرىدەم مامۇت ئاپەت رايونىدىكى ئاممىغا كۆڭلىنى بىلدۈرمەكتە
مۇھەررىر: مۇسا ھەيدەر
مەنبە: خەلق تورى