12 – نۆۋەتلىك مەملىكەتلىك خەلق قۇرۇلتىيى 2 – يىغىنى بېيجىڭدا ئېچىلدى (1)
12–نۆۋەتلىك مەملىكەتلىك خەلق قۇرۇلتىيى 2–يىغىنى 5–مارت چۈشتىن بۇرۇن خەلق سارىيىدا ئېچىلدى . 3000 غا يېقىن خەلق قۇرۇلتىيى ۋەكىلى خەلقنىڭ تاپشۇرۇقىنى زىممىسىگە ئېلىپ ، ئاساسىي قانۇن ۋە قانۇن تاپشۇرغان مۇقەددەس بۇرچنى ئادا قىلىدۇ .
خەلق قۇرۇلتىيى ھەيئەت رىياسىتىنىڭ دائىمىي رەئىسى ، ئىجرائىيە رەئىسى جاڭ دېجياڭ يىغىنغا رىياسەتچىلىك قىلدى .
شى جىنپىڭ ، لى كېچياڭ ، يۈ جىڭشېڭ ، ليۇ يۈنشەن ، ۋاڭ جىشەن ، جاڭ گاۋلى ۋە ھەيئەت رىياسىتى ئەزالىرى رەئىسلەر سۇپىسىدىن ئورۇن ئالدى .
12–نۆۋەتلىك مەملىكەتلىك خەلق قۇرۇلتىيى 2–يىغىنىغا ئەسلىدە قاتناشماقچى بولغان ۋەكىل 2983 كىشى . بۈگۈنكى يىغىنغا قاتناشقىنى 2932 كىشى بولۇپ ، 51 كىشى قاتناشمىغان ، قاتناشقان كىشى سانى قانۇندا بەلگىلەنگەن ئادەم سانىغا ئۇيغۇن .
چۈشتىن بۇرۇن سائەت 9:00 دا جاڭ دېجياڭ جۇڭخۇا خەلق جۇمھۇرىيىتىنىڭ 12–نۆۋەتلىك مەملىكەتلىك خەلق قۇرۇلتىيى 2–يىغىنىنىڭ ئېچىلغانلىقىنى جاكارلىدى . ھەممە ئورنىدىن تۇرۇپ ، دۆلەت شېئىرى ئوقۇدى .
ئارقىدىنلا كۆپچىلىك 1–مارت يۈننەن كۈنمىڭ پويىز ئىستانسىسىدا يۈز بەرگەن ئېغىر زوراۋانلىق ، تېررورلۇق ۋەقەسىدە قازا قىلغانلارغا تەزىيە بىلدۈردى .
يىغىن كۈنتەرتىپى بويىچە گوۋۇيۈەن زۇڭلىسى لى كېچياڭ گوۋۇيۈەنگە ۋاكالىتەن ھۆكۈمەت خىزمىتىدىن دوكلات بەردى . دوكلات ئۈچ قىسىمغا بۆلۈنگەن : بىرىنچى ، 2013–يىللىق خىزمەتلەر ئەسلىمىسى ؛ ئىككىنچى ، 2014–يىللىق خىزمەتلەرنىڭ ئومۇمىي ئورۇنلاشتۇرمىسى ؛ ئۈچىنچى ، 2014–يىلىدىكى نۇقتىلىق خىزمەتلەر .
يىغىن كۈنتەرتىپى بويىچە ، يىغىندا گوۋۇيۈەننىڭ 2013–يىللىق خەلق ئىگىلىكى ۋە جەمئىيەت تەرەققىياتى پىلانىنىڭ ئىجرا قىلىنىش ئەھۋالى ھەمدە 2014–يىللىق خەلق ئىگىلىكى ۋە جەمئىيەت تەرەققىياتى پىلانى لايىھەسى توغرىسىدىكى دوكلات ، گوۋۇيۈەننىڭ 2013–يىللىق مەركەز ۋە يەلىك خامچوتىنىڭ ئىجرا قىلىنىش ئەھۋالى ھەمدە 2014–يىللىق مەركەز ۋە يەرلىك خامچوت لايىھەسى توغرىسىدا دوكلاتنى بېسىپ تارقىتىپ ، تەكشۈرۈپ تەستىقلاشقا سۇندى .
مەسئۇل مۇھەررىر : ئالىم راخمان
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
