ئۇكرائىنانىڭ پايتەختى كېيىفتا 18-فېۋرال يېقىنقى ئۈچ ئايدىن بۇيانقى ئەڭ ئېغىر زوراۋانلىق توقۇنۇشى يۈز بېرىپ، كۆپلىگەن ھەربىي ساقچى ۋە مۇخبىرنى ئۆز ئىچىگە ئالغان 26 كىشى قازا قىلدى، 388 كىشى يارىلاندى. بىرلەشكەن دۆلەتلەر تەشكىلاتى، رۇسىيە، جۇڭگو قاتارلىقلار ئالاقىدار تەرەپلەرنىڭ زوراۋانلىق قانلىق توقۇنۇشنى توسۇپ، كىرىزىسىنى سۆزلىشىش ئارقىلىق تىنچ ھەل قىلىشنى مۇراجىئەت قىلدى.
بىرلەشكەن دۆلەتلەر تەشكىلاتىنىڭ باش كاتىپى بان كىمون بايانات ئېلان قىلىپ، ئۇكرائىنادىكى ئالاقىدار تەرەپلەرنىڭ سەمىمىي سۆزلىشىشنى دەرھال ئەسلىگە كەلتۈرۈشىنى ھەمدە نەتىجىلەرنى قولغا كەلتۈرۈشىنى، بىراق نۆۋەتتىكى جىددىي ئىش قالايمىقانچىلىق ۋە قانلىق توقۇنۇشىدىن ساقلىنىش ئىكەنلىكىنى مۇراجىئەت قىلدى.
رۇسىيە 19-فېۋرال كېيىفتىكى زوراۋانلىق توقۇنۇشنى قاتتىق ئەيىبلىدى. رۇسىيە پىرېزىدېنتىنىڭ ئاخبارات كاتىپى مۇنداق دېدى: رۇسىيە رەھبەرلىرى، ئەسەبىي ئۇنسۇرلار توقۇنۇشقا پۈتۈنلەي مەسئۇل بولۇشى كېرەك دەپ ھېسابلىدى. رۇسىيە ئۇكرائىنادىكى ئەسەبىي ئۇنسۇرلارنىڭ ھەرىكىتىدىن سىياسىي ئۆزگىرىش ياساش سۇيىقەستىنىڭ بارلىقىنى كۆرۈۋالدى. ئۇ شۇنىڭ بىلەن بىر ۋاقىتتا رۇسىيىنىڭ ئۇكرائىنانىڭ ئىچكى ئىشلىرىغا ئارىلاشتى دېگەن سۆزلەرگە رەددىيە بېرىپ، رۇسىيە پىرېزىدېنتى ئىلگىرى ھەمدە ھازىرمۇ ئۇكرائىنا پىرېزىدېنتىغا ھەرقانداق مەسىلىلەر توغرىسىدا تەكلىپ بەرمىگەنلىكىنى، بۇندىن كېيىنمۇ تەكلىپ بەرمەيدىغانلىقىنى بىلدۈردى.