خەلق تورى ئۇيغۇرچە قانىلىنىڭ 20-فېۋرال بېيجىڭدىن بەرگەن تېلېگراممىسى: ئېلىمىزدىكى ئەڭ چوڭ ئىچكى قۇرۇقلۇق تاتلىق سۇلۇق كۆل ــ شىنجاڭ باغراش كۆلىدىكى تېخى ئورۇۋېلىنمىغان قومۇشلارغا 17-فېۋرال سائەت 10:00 ئەتراپىدا ئوت كەتتى، بايىنغولىن ئوبلاستلىق جامائەت خەۋپسىزلىكى ئوت ئۆچۈرۈش تارماق ئەترىتى ئەھۋالدىن خەۋەردار بولغاندىن كېيىن، تېزلىكتە ئەتراپتىكى ناھىيە ــ شەھەرلەردىكى ئوت ئۆچۈرۈش ئوفىتسېر ـ ئەسكەرلىرىنى يىغىپ ئوت ئۆچۈرۈشكە ئەۋەتكەن، كۆل يۈزى مۇز تۇتۇپ كەتكەنلىكتىن، ئوت ئۆچۈرۈش ماشىنىسى كۆپ قېتىم پاتقاققا پېتىپ قېلىپ، ئىچكىرىلەپ كىرىشىكە ئامالسىز قېلىپ ئوت ئۆچۈرگۈچىلەرگە غايەت زور قېيىنچىلىق يەتكەن. 200دىن ئارتۇق ئوت ئۆچۈرگۈچى ئوفىتسېر ـ ئەسكەرلەر 13 سائەت كۈرىشىش ئارقىلىق، شۇ كۈنى كەچ 23:00لەردە ئوت ئاساسەن ئۆچۈرۈلگەن.
باغراش كۆلى ئېلىمىزدىكى ئەڭ چوڭ ئىچكى قۇرۇقلۇق تاتلىق سۇلۇق كۆل بولۇپ، كۆلمى 1200 كۋادرارت مېتىردىن ئاشىدۇ. كۆل رايونىدىكى قومۇشلۇقنىڭ ئومۇمىي كۆلمى 600 مىڭ مو كېلىدۇ. بۇ ئوت ئاپىتىدە 20 مىڭ مودىن ئارتۇق قومۇش كۆيۈپ كەتتى. ئوت كۆل ئوتتۇرىسىغا كەتكەنلىكتىن تالاپەت يېتىش ياكى زور ئىقتىسادىي چىقىم بولمىدى، ئوت كېتىش سەۋەبى تەكشۈرۈلمەكتە.
مەنبە: خەلق تورى