خەلق تورى ئۇيغۇرچە قانىلىنىڭ 14-فېۋرال بېيجىڭدىن بەرگەن تېلېگراممىسى: ئات بەيگىسى قازاق مىللىتى ئىنتايىن ياخشى كۆرىدىغان ئەنئەنىۋى كۆڭۈل ئېچىش پائالىيىتى، تېمپىراتۇرا نۆلدىن تۆۋەن 28 سېلسىيە گىرادوس بولۇۋاتقان، قار قاپلىغان شىنجاڭ ئالتاي راست يېزىسىدىكى چارۋىچىلار كىشىلەرگە بىر مەيدان ئات بەيگىسى ماھارىتى كۆرسەتتى.
12-فېۋرال، تۇنجى نۆۋەتلىك «گۈزەل راست» فوتوگراف مۇسابىقە پائالىيىتى ئالتاي شەھىرى راست يېزىسىدا باشلاندى. ئېچىلىش مۇراسىمىدا، ئوندىن ئارتۇق راست يېزىسىدىكى چارۋىچىلاردىن تەشكىل تاپقان ئات بەيگىسى ماھارەت كۆرسىتىش ئەترىتى شىنجاڭنىڭ ھەر جايلىرىدىن كەلگەن فوتوگراف ھەۋەسكارلىرىغا بىر مەيدان ئات بەيگىسى ماھارىتى ئويۇنى كۆرسەتتى.
قازاقلارنىڭ ئەنئەنىۋى تەنتەربىيە تۈرى قەدىمىي قىياپىتىنى ساقلاپ قالغان، بولۇپمۇ تېرە چاڭغىدا قار تېيىلىش، ئات بەيگىسى، قىز قۇۋار قاتارلىق تەنتەربىيە كۆڭۈل ئېچىش تۈرلىرىدىن كىشىلەر ئات ئۈستىدىكى مىللەتلەرنىڭ يايلاق مەدەنىيىتىنى ھەم كۆچمەن چارۋىچىلىق مەدەنىيىتىنى ھېس قىلىدۇ.