يوپۇرغا ناھىيەسىدە «جۇڭگو ئارزۇسى - مېنىڭ ئارزۇيۇم » تېمىسىدا 3-نۆۋەتلىك دېھقانلار شادلىقى سەنئەت كۆرىكى ئۆتكۈزۈلدى(1)

2014.02.12 08:19   مەنبە: خەلق تورى

　　ئىختىيارىي مۇخبىرىمىز ئىمىنجان تۇرسۇن خەۋىرى،فوتوسى: 2-ئاينىڭ 10-كۈنى، يوپۇرغا ناھىيەسدە « جۇڭگو ئارزۇسى - مېنىڭ ئارزۇيۇم» تېمىسىدا 3-نۆۋەتلىك دېھقانلار شادلىقى سەنئەت كۆرىكى ئۆتكۈزۈلدى.يوپۇغا ناھىيەسى يېقىنقى يىللاردىن بۇيان، مەدەنىيەت خىزمىتىنىڭ مۇھىم نۇقتىسىنى ئاساسىي قاتلامغا، ئاممىغا قارىتىپ، ئاممىۋى مەدەنىيەتنى جانلاندۇرۇش، ئىلغار مەدەنىيەتنى ئەۋج ئالدۇرۇش، زامانىۋى مەدەنىيەتنى يېتەكچى قىلىشتا چىڭ تۇرۇپ، مەدەنىيەت ئارقىلىق ئاممىغا نەپ يەتكۈزۈش، مەدەنىيەت ئارقىلىق ئاممىنى تەربىيەلەش، مەدەنىيەتتىن ھەممە كىشىنى ئورتاق بەھرىمان قىلىش قاتارلىق ئەل ئىچى مەدەنىيەت-سەنئەت ئىشلىرىنىڭ تەرەققىياتىنى زور كۈچ بىلەن ئىلگىرى سۈردى.

　　بۇ قېتىمقى كۆرەكتە ناھىيەگە قاراشلىق ھەر قايسى يېزا-بازارلىق دېھقانلار سەنئەت ئەترىتىدىكى 150تىن ئارتۇق دېھقان سەنئەتكارلار يېقىندىن بۇيان ئۆزلىرى كۆڭۈل قويۇپ تەييارلىغان ئىناق جەمئىيەت، ئىناق مەدەنىيەت بەرپا قىلىپ يېڭى ئىستىل تىكلەش ۋە پارتىيەنىڭ يېزا، يېزا ئىگىلىكى، دېھقانلارغا قاراتقان ئەۋزەل سىياسەتلىرىنى ئاساسىي مىلودىيە قىلىپ، ساھەلەر بويىچە ياردەم بېرىش خىزمىتى قانات يايدۇرۇلغاندىن بۇيانقى شەھەر،يېزىلار ۋە خەلق تۇرمۇشىدىكى چوڭ ئۆزگۈرۈش،چوڭ تەرەققىياتلار ئەكس ئەتتۈرۈلگەن شەكلى كۆپ خىل، مول مەزمۇنلۇق سەنئەت ئويۇنلىرىنى ئورۇنداپ، پائالىيەتنى كۆرۈشكە قاتناشقان 5000 دىن ئارتۇق ئاممىغا زور مەنىۋى زوق بېرىش بىلەن بىرگە، ئەل ئىچى سەنئەت ئويۇنلىرى ئارقىلىق گۈزەل يۇرت-ماكان قۇرۇپ چىقىش،ھالقىما تەرەققىياتنى ئىلگىرى سۈرۈش ۋە ئەبەدىي ئەمىنلىكنى ئىشقا ئاشۇرۇشتىن ئىبارەت ئۇلۇغ«جۇڭگو ئارزۇسى»نى نامايان قىلدى.