خەلق تورى ئۇيغۇرچە قانىلىنىڭ 22-يانۋار بېيجىڭدىن بەرگەن تېلېگراممىسى: 20-يانۋاردىن 21-يانۋارغىچە، ئاۋسترالىيەدىن ئېمپورت قىلىنغان 3 مىڭ تۇياق ئانگاس سىيىرى شىنجاڭغا يېتىپ كېلىپ، سانجى، قۇتۇبى، گۇچۇڭ قاتارلىق ئورۇنلارغا بېقىپ كۆپەيتىشكە يەتكۈزۈلدى. بۇ 3 مىڭ تۇياق ئانگاس گۆش كالىسىنى شىنجاڭ تەڭرىتاغ چارۋىچىلىق قۇرۇلۇشى پاي چەكلىك شىركىتى (تۆۋەندە قىسقارتىلىپ تەڭرىتاغ بىئولوگىيەسى دېيىلدى) ئاۋسترالىيەدىن كىرگۈزگەن بولۇپ ھەممىسىلا سىيىر. سىيىرلار پاراخوتتا ئارقىلىق فۇجيەن ئۆلكىسىگە ئېلىپ كېلىنىپ، قۇرۇقلۇق يولى ئارقىلىق شىنجاڭغا ئارقىدىن سانجى، گۇچۇڭ، قۇتۇبى قاتارلىق جايلارغا يەتكۈزۈلگەن.
تەڭرىتاغ بىئولوگىيەسى تۈرىنىڭ مەسئول خادىمى ما شيەنيۈننىڭ تونۇشتۇرۇشىچە، بۇ 3 مىڭ تۇياق ئىمپورت قىلىنغان سىيىر 45 كۈن ئايرىپ بېقىلغاندىن كېيىن، نورمال بوغۇز بېرىش باسقۇچىغا كىرىدىكەن. ئانگاس كالىسىنىڭ يېتىلىش ۋاقتى قىسقا، گۆشلۈك شۇنداقلا تەملىك، ماسلىشىش ئىقتىدارى ئىنتايىن ياخشى بولۇپ، قىسقا ۋاقىتتىلا مۇھىتقا ماسلىشالايدىكەن، ئېغىلدا ئوت ـ چۆپ بېرىپ باقسىمۇ، يايلىتىپ باقسىمۇ ياخشى ئۈنۈمگە ئېرىشكىلى بولىدىكەن. بۇ قېتىم ئىمپورت قىلىنغىنىنىڭ ھەممىسى سىيىر بولۇپ، تەڭرىتاغ بىئولوگىيەسىدە بار بولغان ئانگاس نەسىللىك كالىلىرى بىلەن چېتىشتۈرۈپ كۆپەيتىشنى ئاساس قىلغان، كۆپەيتىش مەلۇم مىقدارغا يەتكەندە ئاندىن گۆشىنى سېتىش ئويلىشىلىدىكەن. شۇنىڭ بىلەن بىرگە سانجى ئوبلاستلىق ھۆكۈمەتنىڭ تەلىپىگە بىنائەن، تەڭرىتاغ بىئولوگىيەسى كېيىنكى ئۈچ يىلدا ئىچىدە 30 مىڭ تۇياق ئانگاس كالىسى ئىمپورت قىلىنىدىكەن.