خەلق تورى ئۇيغۇرچە قانىلىنىڭ 9-يانۋار بېيجىڭدىن بەرگەن تېلېگراممىسى: ئىختىيارىي مۇخبىرىمىز ئىلھام ياقۇپ خەۋىرى، فوتوسى: بۈگۈر ناھىيەسىنىڭ بۈگۈر بازىرى 8-يانۋار كۈنى بازار تەۋەسىدىكى 11كەنت، 8 ئاھالىلار كومىتېتىدىكى 80 دىن ئارتۇق خانىم-قىزلارنى تەشكىللەپ، يېڭى ئۆستەڭ ئاھالىلار كومىتېتىدا كەشتىچىلىك بىلىملىرى بويىچە تەربىيەلەش كۇرسى ئاچتى. تەربىيەلەش كۇرسىدا ناھىيەلىك كەسپىي تېخنىكا ئوتتۇرا مەكتىپىدىن مەخسۇس ئوقۇتقۇچى تەكلىپ قىلىپ، گۈل كەشتىلەش، تىككۈچىلىك، لايىھەلەش، گۈزەل-سەنئەت قاتارلىق كەسىپلەر بويىچە تەربىيەلەش ئېلىپ بېرىپ، ئېشىنچى ئەمگەك كۈچلىرىنى يۆتكەپ ئىشلىتىش، خانىم-قىزلارنىڭ ئائىلە ئىقتىسادىي كىرىمىنى ئاشۇرۇشقا پۇختا ئاساس ياراتتى. (بۈگۈر ناھىيە سوخۇ يېزىلىق خەلق قۇرۇلتىيى ھەيئەت رىياسىتىدىن ئىلھام ياقۇپ خەۋىرى)
سۈرەتتە: كۇرسانتلارغا كەشتە تىكىش بۇيۇملىرى تارقىتىپ بەرمەكتە
مۇھەررىر: مۇسا ھەيدەر
مەنبە: خەلق تورى