«ئاي پەرىسى» «ئاي توشقىنى»نى ئېلىپ ئايغا چىقتى
12-ئاينىڭ 15-كۈنى، «ئاي پەرىسى» «ئاي توشقىنى»نى ئېلىپ ئاي شارىغا قوندى، بەش يۇلتۇزلۇق قىزىل بايراق ئاي شارىدا جەۋلان قىلدى. ئاي پەرىسى-3 ئېلىمىزنىڭ ئالەم ئەسۋابىنىڭ يەر شارىدىن باشقا ئالەم جىسمىدا يۇمشاق قونۇش ۋە سەييارە چارلاشنى تۇنجى بولۇپ ئىشقا ئاشۇرۇپ، ئېلىمىزنىڭ ئاينى تەكشۈرۈش قۇرۇلۇشى 2-باسقۇچلۇق ئىستىراتېگىيەلىك نىشانىنىڭ ئومۇميۈزلۈك ئىشقا ئاشقانلىقىنىڭ بەلگىسى بولۇپ قالدى، ئۇ ئېلىمىز ئالەم قاتنىشى ئىشلىرىنىڭ تەرەققىياتىدا ئابىدە خاراكتېرلىك ئەھمىيەتكە ئىگە. 6-ئاينىڭ 11-كۈنى، ئۈچ نەپەر ئالەم ئۇچقۇچىسى ئولتۇرغان خاسىيەتلىك كېمە-10 ناملىق ئادەملىك ئالەم كېمىسى مۇۋەپپەقىيەتلىك قويۇپ بېرىلدى، ئارقىدىنلا ئەرش ئوردىسى-1 بىلەن مۇۋەپپەقىيەتلىك تۇتاشتۇرۇلدى، جۇڭگونىڭ ئالەم ئۇچقۇچىسى تۇنجى قېتىم ئالەم بوشلۇقىدا تۇرۇپ دەرس سۆزلىدى، بۇلارئالەم بوشلۇقىدا تۇتاشتۇرۇش تېخنىكىسىنى پۇختىلاپ ۋە مۇكەممەللەشتۈرۈپ، ئالەم بوشلۇقى تەجرىبىخانىسى ۋە ئالەم پونكىتى قۇرۇلۇشىنى ئىلگىرى سۈرۈشتە مۇھىم ئەھمىيەتكە ئىگە.
جۇڭگو مىللەتلەر تەرجىمە ئىدارىسى تەرجىمىسى