خەلق تورى ئۇيغۇرچە قانىلىنىڭ 30-ئۆكتەبىر بېيجىڭدىن بەرگەن تېلېگراممىسى: كىشىلەر ساقچىلارنىڭ چارلاش ماشىنىلىرىنىڭ كەينىدىن قوغلىشىنى خالىسىمۇ، ساقچىلارنىڭ تۇتۇۋېلىپ چارلاش ماشىنىسىغا چىقىرىشىنى خالىمايدۇ. بىراق دۇبەيدە بۇنىڭ ئەكسىچە. ئەنگىلىيە «كۈندىلىك پوچتا گېزىتى»نىڭ 27-دېكابىر خەۋەر قىلىشىچە، دۇبەي ساقچى تەرەپ «ھەشەمەتلىك چارلاش ئەترىتى»گە يەنە يېڭى ماشىنا ـــ دەرىجىدىن تاشقىرى ھەشەمەتلىك ماشىنا مەيكەيلۇن MP4-12Cنى سەپلەپ بەرگەن. دۇبەي چارلاش ماشىنا ئەترىتى ئوفىتسېرى مۇنداق دېگەن: «بۇ مېنىڭ تۇنجى قېتىم بۇنداق ھەشەمەتلىك ماشىنىنى ھەيدەپ چارلاشقا چىقىشىم، تېخىمۇ قىزىقارلىق بولغىنى، بەزى كىشىلەر بىزنىڭ تۇتۇۋېلىشىمىزنى ئۈمىد قىلىدىكەن، مەقسىتى پەقەتلا ھەشەمەتلىك ماشىنىغا ئولتۇرۇپ شامالداپ بېقىش ئىكەن. ئەگەر مەن پېنسىيەگە چىقىپ قالسام، بۇ ھەشەمەتلىك چارلاش ماشىنامنى سېغىنىمەن».
تەرجىمە مۇھەررىرى: مۇسا ھەيدەر
مەنبە: خەلق تورى