ئەنگلىيە «كۈندىلىك پوچتا گېزىتى» نىڭ 6- دېكابىردىكى خەۋىرىدە ئېيتىلىشىچە، دومىنىكا جۇمھۇرىيىتىنىڭ بېرون دېگەن يېرىدىكى 19 ياشلىق قىز دېلفىنا سېدېنو تۆت يىل ئىلگىرى قان تەر كېسىلى دەيدىغان بىر غەلىتە كېسەلگە گىرىپتار بولۇپ قېلىپ، يېشى ۋە تەرىدىن قان ئاقىدىغان بولۇپ قالغان.
دېلفىنا تۆت يىل ئىلگىرى ئۆزىنىڭ مۇشۇنداق كېسەلگە گىرىپتار بولغانلىقىنى بايقىغان بولۇپ، ئۇ شۇ چاغدا نېمە قىلارىنى بىلەلمەي قالغانىدى. ئەڭ ئوسال بولغىنى، ئۇنىڭدىن ئۇدا 15 كۈن قان تەر ئېقىپ، ئاخىرىدا قان سېلىش ئارقىلىق ھاياتى قۇتقۇزۇپ قېلىنغانىدى. ئۇ ئۆزىنىڭ غەلىتە كېسەلگە گىرىپتار بولغانلىقىدىن تولىمۇ خىجىل بولاتتى، ئەتراپتىكى كىشىلەرمۇ ئۇنىڭغا باشقىچە نەزەردە قارىغاچقا ھەمدە ئۇنى مازاق قىلغاچقا، ئۇ بىر مەھەل ئۆزىنى ھۇجرىسىغا سولىۋېلىپ، سىرتتىكىلەر بىلەن ئالاقىسىنى ئۈزگەنىدى. ئۇ ھەتتا كۆپ مىقداردا تىنچلاندۇرۇش دورىسى ئىچىپ ئۆلۈۋېلىپ، بۇ ئازابتىن قۇتۇلماقچى بولغاندا، بەختكە يارىشا ئۆيدىكىلىرى بۇنى ۋاقتىدا بايقاپ، ۋاقتىدا دوختۇرخانىغا ئېلىپ بارغاچقا، ئۇ گۆر ئاغزىدىن قايتىپ كەلگەنىدى.