ھاجى ئەمەت ياسىلىپ چىققان ساپال قاچىنى ئوغلىنىڭ ئاپتاپقا سېلىشىغا بەردى
ساپالچى ھاجى ئەمەت شىنجاڭ ئاقتۇ بارىن يېزىسىدىن، ئۇ ياسىغان ساپال بۇيۇملىرىنىڭ بازىرى ئىنتايىن ئىتتىك. بۇ يىل 57 ياشقا كىرگەن ھاجى ئەمەت 10 يېشىدىن باشلاپ ساپالچىلىق سەنئىتىنى ئۆگىنىشكە باشلىغان بولۇپ، يەرلىك ساپالچىلىق سەنئىتىنىڭ ئالتىنچى ئەۋلاد ۋارىسى بولۇپ قالدى. ھازىرغىچە، ئۇ ئۆزى قول سېلىپ ياسىغان ساپال بۇيۇملار 100 خىلدىن ئاشىدۇ، يىلدا 40 تۈمەن يۈەندىن ئاشۇرۇپ ساپال بۇيۇم ساتسىمۇ، تەمىنلەش ئېھتىياجنى قاندۇرالمايدۇ. بۇنداق ئىپتىدائىي ساپال بۇيۇملىرىنىڭ بازار تېپىشىغا ئەگىشىپ ئۇنىڭ ئۈچ ئوغلىمۇ دادىسىغا ۋارىسلىق قىلدى. شۇنىڭ بىلەن بىرگە ھاجى ئەمەت 40تىن ئارتۇق يەرلىكتىكى دېھقاننىمۇ ئۆزىگە يانداپ، بىرلىكتە ساپال بۇيۇم ياساش ئارقىلىق بېيىش يولىغا يىتەكلىدى. ئېگىلىنىشىچە، ساپال بۇيۇم ياساش يەرلىكتە مىڭ يىلدىن ئارتۇق تارىخقا ئىگە بولۇپ، ھازىر ناھايىتى ئاز سانلىق كىشىلەرلا بۇ ھۈنەرنى بىلىدىكەن. ساياھەتچىلىكنىڭ تەرەققىىياتىغا ئەگىشىپ، ساپال بۇيۇملىرى ساياھەتچىلەرنىڭ ياقتۇرۇشىغا ئېرىشكەن. يەرلىك ھۆكۈمەتمۇ مەبلەغ سېلىپ، بۇ قەدىمىي سەنئەتنى تەرەققىي قىلدۇرغان. (شىنخۇا ئاگېنتلىقى مۇخبىرى جاۋ گې فوتوسى)