- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
شەندۇڭ ئۆلكىلىك يۇقىرى خەلق سوت مەھكىمىسى بو شىلەيگە 2-سوتتا مۇددەتسىز قاماق جازاسى ھۆكۈم قىلدى (2)
2013.10.25 17:32 مەنبە: تەڭرىتاغ ئۇيغۇرچە تورى
شىنخۇا تورى ، جىنەن ، 25-ئۆكتەبىر تېلېگراممىسى : 25-ئۆكتەبىر چۈشتىن بۇرۇن ، شەندۇڭ ئۆلكىلىك يۇقىرى خەلق سوت مەھكىمىسى بو شىلەينىڭ پارىخورلۇق ، خىيانەتچىلىك ، خىزمەت ھوقۇقىدىن قالايمىغان پايدىلىنىش دېلوسىغا 2-سوتتا ھۆكۈم ئېلان قىلىپ ، 1-سوتتا بېرىلگەن مۇددەتسىز قاماق جازاسىنى ساقلاپ قالدى .
بو شىلەينىڭ پارىخورلۇق ، خىيانەتچىلىك ، خىزمەت ھوقۇقىدىن قالايمىغان پايدىلىنىش دېلوسىغا جىنەن شەھەرلىك ئوتتۇرا خەلق سوت مەھكىمىسى 2013-يىلى 9-ئاينىڭ 22-كۈنى 1-سوتتا ھۆكۈم ئېلان قىلىپ ، بو شىلەينى 20 مىليون 440 مىڭ يۈەن خەلق پۇلى پارا ئالغان ، بەش مىليون يۈەن خەلق پۇلىغا خىيانەت قىلغان ، خىزمەت ھوقۇقىدىن قالايمىقان پايدىلانغان ئەھۋالى ئىنتايىن ئېغىر دەپ قاراپ ، بو شىلەينىڭ پارىخورلۇق جىنايىتىگە مۇددەتسىز قاماق جازاسى بېرىپ ، سىياسىي ھوقۇقىدىن ئۆمۈرۋايەت مەھرۇم قىلغان ھەمدە شەخسىي مال-مۈلكىنىڭ ھەممىسىنى مۇسادىرە قىلغانىدى ؛ خىيانەتچىلىك قىلىش جىنايىتىگە مۇددەتلىك 15 يىللىق قاماق جازاسى بەرگەن ھەمدە شەخسىي مال-مۈلكىدىن بىر مىليون يۈەن خەلق پۇلىنى مۇسادىرە قىلغانىدى ؛ خىزمەت ھوقۇقىدىن قالايمىقان پايدىلىنىش جىنايىتىگە مۇددەتلىك يەتتە يىللىق قاماق جازاسى بەرگەنىدى . بىر نەچچە خىل جىنايىتىنى قوشۇپ جازالاپ ، مۇددەتسىز قاماق جازاسى بېرىپ ، سىياسىي ھوقۇقىدىن ئۆمۈرۋايەت مەھرۇم قىلىشنى ھەمدە شەخسىي مال-مۈلكىنى مۇسادىرە قىلىشنى قارار قىلغانىدى .
مەسئۇل مۇھەررىر : ھەبىبە ئىسمائىل
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
