ماھىرلار مۇسابىقىسىدە
تەڭرىتاغ تورى ، تۇرپان ، 24-ئۆكتەبىر خەۋىرى : 24-ئۆكتەبىر چۈشتىن بۇرۇن ، 2013-يىللىق جۇڭگو تۇرپان 8-نۆۋەتلىك ‹‹ ئايدىڭكۆلنى ئايلىنىش ›› موتوسىكلىت مۇسابىقىسى باشلاندى . بۇ نۆۋەتلىك مۇسابىقە تۆت كۈن داۋاملىشىدىغان بولۇپ ، جەمئىي بەش باسقۇچ تەسىس قىلىنغان ، ئومۇمىي مۇساپىسى 2000 كىلومېتىر ، مۇسابىقە يول بۆلىكىنىڭ مۇساپىسى 1000 كىلومېتىر كېلىدۇ .
2013-يىللىق جۇڭگو تۇرپان 8-نۆۋەتلىك ‹‹ ئايدىڭكۆلنى ئايلىنىش ›› موتوسىكلىت مۇسابىقىسى دۆلەت دەرىجىلىك مۇسابىقە بولۇش سالاھىيىتىگە ئېرىشتى. شۇ كۈنى چۈشتىن بۇرۇن تۇرپان شەھەرلىك ئاممىۋى سەنئەت سارىيىنىڭ ئالدىدا يولغا چىقىش مۇراسىمى ئۆتكۈزۈلدى . دۆلەتلىك تەنتەربىيە باش ئىدارىسى ئاپتوموبىل ، موتوسىكلىت ھەرىكىتىنى باشقۇرۇش مەركىزىنىڭ مۇدىرى ۋېي دى مۇسابىقىنىڭ باشلانغانلىقىنى جاكارلىدى .