ئەگەر سىز دۇنياغا داڭلىق بولغان Christian Louboutin ماركىسىدىكى ئاياغلارنى بەك قىممەت دەپ ئويلىغان بولسىڭىز ئەمسە تۆۋەندىكى ئاق ئالتۇن ئاياغنى كۆرۈپ بېقىپ ئاندىن نېمىنىڭ قىممەت ئىكەنلىكىگە باھا بەرسىڭىزمۇ بولىدۇ. ئەنگلىيە كۈندىلىك «پوچتا گېزىتى» 7-ئۆكتەبىردىكى خەۋىرىدە ئېيتىلىشىچە، دۇنياغا داڭلىق بولغان ئالىي دەرىجىلىك ئۈنچە-مەرۋايىت زاكاز لايىھەلەش سودىگىرى House of Borgezie يېقىندا زىچلىق دەرىجىسى يۇقىرى بولغان ئاق ئالتۇن ئېگىز پاشنىلىق ئاياغنى بازارغا سالغان، بۇ ئاياغنىڭ سېتىلىش باھاسى 70 فوندستېرلىڭ (تەخمىنەن 688مىڭ يۈەن بولغان) ئىكەن.
مەلۇماتلارغا قارىغاندا، بۇ بىر تۈردىكى ئېگىز پاشنىلىق ئاياغنى ئەنگلىيەلىك لاھىيەلىگۈچى Christopher shellis تۆت يىلغا يېقىن ۋاقىت سەرپ قىلىپ لايىھەلىگەن. Pt (پلاتىنا) 1200 گىرادۇستا ئېرىگەچكە، بۇ خىل ماتىرىيال بىلەن لايىھەلەش، ئېگىز پاشنىلىق ئاياغلار لايىھەسى ئىچىدە قىيىنلىق دەرىجىسى ئەڭ يۇقىرى بولغان بىر لايىھە بولۇپ قالغان. ھەر بىر جۈپ ئاياغنى ياساپ چىقىش ئۈچۈن 100 سائەتتىن كۆپرەك ۋاقىت كەتكەن. بۇ ئاياغنىڭ شۇنچىلىك قىممەت بولغىنىغا يارىشا 1000 يىللىق رېمۇنت ۋاقتى بار ئىكەن.