شىنجاڭ ئىقتىساد گېزىتى مۇخبىرى دىلشاد غوجائەھمەد ئىدرىسى خەۋىرى: مۇخبىرنىڭ شىنجاڭ ئۇيغۇر ئاپتونوم رايونلۇق ساياھەت ئىدارىسى بايراملىق ساياھەت ئىشخانىسى 7 – ئۆكتەبىر چۈشتىن كېيىن ئاچقان ئاخبارات ئېلان قىلىش يىغىنىدىن ئىگىلىشىچە، بۇ يىللىق 1 – ئۆكتەبىردىكى «ئالتۇن ھەپتە»دە ئاپتونوم رايونىمىز بويىچە 3 مىليون 624 مىڭ 500 ساياھەتچى (قېتىم) كۈتىۋېلىنىپ، ساياھەت كىرىمى 4 مىليارد 50 مىليون يۈەنگە يەتكەن، كىشى بېشىغا توغرا كەلگەن ساياھەت چىقىمى 1117.4 يۈەندىن بولغان. كۈتىۋېلىنغان ساياھەتچى بۇلتۇرنىڭ ئوخشاش مەزگىلىگە يەتكەن، ساياھەت كىرىمى بۇلتۇرنىڭ ئوخشاش مەزگىلىدىن زور دەرىجىدە ئاشقان.
«ئالتۇن ھەپتە» جەريانىدا ئاپتونوم رايون بويىچە زور ساياھەت بىخەتەرلىك ۋەقەسى يۈز بەرمىگەن، ساياھەت مەسلىھەت سوراش تېلىفۇنىدىن 286 سى، ساياھەت ئەرىز تېلىفۇنىدىن 8 قوبۇل قىلىنغان.