«تارمار-15» ناملىق پاراخوت كۈرەشچى ئايروپىلانى ئەڭ زور ئېغىرلىقتا ئۇچۇش-قونۇش سىنىقىنى تاماملىدى. سۈرەتتە: «تارمار-15» ناملىق پاراخوت كۈرەشچى ئايروپىلانى. (جاڭ كەي فوتوسى)
مۇخبىر 17-سېنتەبىر مۇنۇلارنى ئىگىلىدى: 15-سېنتەبىر «تارمار-15» ناملىق پاراخوت كۈرەشچى ئايروپىلانى ئەڭ زور ئېغىرلىقتا ئۇچۇش-قونۇش سىنىقىنى تاماملىدى، بۇ مەزكۇر سىناق ئۇچۇش ۋەزىپىسىنىڭ باسقۇچ خاراكتېرلىك مۇھىم نەتىجىسى ھېسابلىنىدۇ.
يېقىنقى كۈنلەردىن بۇيان، سىناق ۋەزىپىسىنى ئۈستىگە ئالغان «لياۋنىڭ» ناملىق پاراخوت پايدىلىق ھاۋارايى شارائىتىنى چىڭ تۇتۇپ، كۆپ خىل، كۆپ ئايروپىلانلىق ئۇچۇش سىنىقى ئېلىپ باردى. «تارمار-15» ناملىق پاراخوت كۈرەشچى ئايروپىلانى مۇرەككەپ ھاۋارايى شارائىتىدا ئوخشىمىغان ئۇچۇش ئېغىرلىقى بويىچە كۆپ قوراللىق پاراخوتتا ئۇچۇش-قونۇش سىنىقىنى تۇنجى قېتىم ئورۇندىدى؛ جىددىي ئۇرۇشتا تەشكىللەش ۋە كاپالەتلەندۈرۈش ئەندىزىسىدە كۆپ خىل، كۆپ ئايروپىلان قىسقا ۋاقىتتا تېز سۈرئەتتە ھەرىكەتكە كېلىشنى ئەمەلگە ئاشۇردى. ئۇچۇش سىنىقىنىڭ مەزمۇنى بارغانسېرى مۇرەككەپلىشىپ، سىناق بارا-بارا قىيىنلاشتۇرۇلدى، دەرىجىسى بارغانسېرى ئۆستۈرۈلدى. (جۇڭگو مىللەتلەر تەرجىمە ئىدارىسى تەرجىمىسى)