17-كۈن ئۆتكۈزۈلگەن 3-نۆۋەتلىك جۇڭگو شىنجاڭ خەلقئارا مىللىيچە ئۇسسۇل بايرىمى بۈگۈن (5-ئاۋغۇست) كەچ سائەت 21:00 دە شىنجاڭ خەلق سارىيىدا ئاياغلىشىدۇ . شاڭخەي بالېت ئۆمىكى تەييارلىغان ‹‹ ئاق چاچلىق قىز›› يېپىلىش مۇراسىمىدا تاماشىبىنلار بىلەن يۈز كۆرۈشىدۇ .
20-ئىيۇلدىن 5-ئاۋغۇستقىچە ، دۆلەت ئىچى ۋە سىرتىدىن كەلگەن 21 سەنئەت ئۆمىكى ئۈرۈمچى ، كورلا ۋە شىخەنزىدىكى سەككىز تىياتىرخانىدا 65 مەيدان ئويۇن قويۇپ ، 50 مىڭدىن ئارتۇق تاماشىبىننىڭ ئالقىشىغا ئېرىشتى . قىسقىغىنە 17 كۈندە، ئاسىيا ، ياۋروپا ، ئافرىقىدىن كەلگەن 2000 دىن ئارتۇق ئۇسسۇلچى ئۆزلىرىنىڭ نادىر سەھنە ماھارىتى بىلەن تاماشىبىنلارنى جەلپ قىلىپ ، بايرام تەنتەنىسىنى ئەۋجىگە كۆتۈردى .
ئىككى يىلدا بىر ئۆتكۈزۈلىدىغان جۇڭگو شىنجاڭ خەلقئارا مىللىيچە ئۇسسۇل بايرىمىنى مەدەنىيەت مىنىستىرلىقى ، گوۋۇيۈەن ئاخبارات ئىشخانىسى ۋە شىنجاڭ ئۇيغۇر ئاپتونوم رايونلۇق خەلق ھۆكۈمىتى بىرلىكتە ئويۇشتۇرغان .
بۇ نۆۋەتلىك ئۇسسۇل بايرىمىدا يەنە ‹‹ 2013-يىللىق جۇڭگو تور ئۇسسۇل بايرىمى ›› ، ‹‹شىنجاڭنىڭ سوۋغىسى ›› (مىللىيچە قول ھۈنەر بۇيۇملىرى) لايىھەلەش مۇسابىقىسى قاتارلىق يۈرۈشلۈك پائالىيەتلەرمۇ ئۆتكۈزۈلدى .