خەلق تورى ئۇيغۇرچە قانىلىنىڭ 5-ئاۋغۇست بېيجىڭدىن بەرگەن تېلېگراممىسى: ئىران پرېزدېنتى ھەسەن روھانى 4-ئاۋغۇست قەسەم بېرىپ خىزمەتكە چۈشتى. ئۇ نۇتۇقىدا غەربنى جازالاشنى توختىتىشقا دەۋەت قىلىپ، سۆزلىشىش ئارقىلىق ئىراننىڭ غەرب بىلەن بولغان زىددىيىتىنى ھەل قىلىشنى خالايدىغانلىقىنى بىلدۈردى.
روھانى شۇ كۈنى چۈشتىن كېيىن ئىران پارلامېنتىدا قەسەم بېرىپ خىزمەتكە چۈشتى. ئىراندىكى سىياسىي ساھە، دىنىي ساھەدىكى ئەربابلار ھەمدە چەتئەل رەھبەرلىرى ۋە ۋەكىللىرىنىڭ گۇۋاھلىقى ئاستىدا، روھانى ‹دۆلەتنىڭ ئەنئەنىۋىي دىنىي ئېتقادىنى، ئىسلام جۇمھۇرىيىتى ۋە ئاساسىي قانۇنىنى قوغدايمەن› دەپ قەسەم بەردى.