خەلق تورى ئۇيغۇرچە قانىلىنىڭ 23–ئىيۇل بېيجىڭدىن بەرگەن تېلېگراممىسى: بۇ يىل «خاسىيەتلىك ئادەم» دۇنياغا كەلگەنلىكىنىڭ 75 يىللىقى. ئۆتكەن 75 يىلدا بۇ ئەسەر كۆپلىگەن كارتون رەسىم مەستانىلىرىغا ياراپ كەتتى. شۇنىڭدىن كېيىن ئارقىمۇ-ئارقا مەيدانغا كەلگەن ھەرخىل كىنو-تېلېۋىزىيە ئەسەرلىرىمۇ «خاسىيەتلىك ئادەم» ئوبرازىنى كەڭ خەلقئارا تەسىرگە ئىگە قىلدى.
«خاسىيەتلىك ئادەم» ئېنگىلىزچە Superman، يەنە «پولات ئادەم»، «ئەتىكى ئادەم»، «كرىپتون يۇلتۇزىنىڭ ئاخىرقى ئوغلى» دەپمۇ ئاتىلىدۇ. ئۇ بىر توقۇپ چىقىرىلغان ئالاھىدە باتۇر بولۇپ، 1938-يىلى مەيدانغا كەلگەن، DC كارتون رەسىملىرىگە بېسىلغاندىن كېيىن بىراقلا داڭ چىقارغان، ئارقىدىن يەنە كارتون فىلىم، كىنو، تېلېۋىزىيە تىياتىرى، رادىئو تىياتىرى، سەھنە تىياتىرى قىلىپ ئۆزگەرتىلگەن. ھېكايىدە يۇرتى ۋەيران قىلىنغان بىر تاشقى پلانتلىق بوۋاق يەرشارىغا ئاپىرىلغاندىن كېيىن يەرشارىدىكى بىر جۈپ ئە-خوتۇن تەرىپىدىن بېقىۋېلىنغانلىقى، چوڭ بولغاندىن كېيىن ئالاھىدە باتۇر بولۇپ ئىنسانىيەتنى قوغدىغانلىقى بايان قىلىنىدۇ.