خەلق تورى ئۇيغۇرچە قانىلىنىڭ 19–ئىيۇل بېيجىڭدىن بەرگەن تېلېگراممىسى: ئۈرۈمچى دوستلۇق شىمالىي يولىغا جايلاشقان شىنجاڭ خەلق سارىيىدا، ئۈچۈنچى نۆۋەتلىك جۇڭگو شىنجاڭ خەلقئارا مىللىي ئۇسۇل بايرىمى ئېچىلىش مۇراسىمىنىڭ نومۇرى بولغان مىللىي ناخشا-ئۇسۇللۇق ئوپىرا «تەڭرىتاغقا مۇھەببەت» جىددىي رېپىتىسسىيە قىلىنماقتا. دۇنياغا داڭلىق يۇقىرى ئاۋازلىق ناخشىچى، بۈگۈنكى زامان دۇنيا ئوپىرا سەھنىلىرىدە جانلىنىۋاتقان «جۇڭگو بۇلبۇلى» دىلبەر يۇنۇسمۇ رېپىتىسىيە قىلىشقا قاتناشتى. دىلبەر يۇنۇس ئوپىرادا ئۇيغۇر ئانا پەرىدەنىڭ رولىنى ئالىدۇ.