خەلق تورىنىڭ 19-ئىيۇل بېيجىڭدىن بەرگەن تېلېگراممىسى: 18-ئىيۇل ئەتتىگەن، ئۈچىنچى نۆۋەتلىك شىنجاڭ خەلقئارا مىللىيچە ئۇسسۇل بايرىمى تەشكىلىي ھەيئىتى ئۇيۇشتۇرغان «ئالغا.شىنجاڭ ماي بوياق رەسىم ئەسەرلىرى ئىلمىي كۆرگەزمىسى» ئۈرۈمچى شەھرىدىكى ئاپتونوم رايونلۇق مۇزېيدا ئېچىلدى.
ئېگىلىنىشىچە، بۇ قېتىمقى كۆرگەزمىگە شىنجاڭنىڭ ھەرقايسى جايلىرىدىكى، چوڭ، ئوتتۇرا ياش، ياش ئۈچ ئەۋلاد ماي بوياق رەسساملىرىنىڭ 400پارچىدىن ئارتۇق ئەسىرى ئىچىدىن 115 پارچىسى تاللاپ قاتناشتۇرۇلغان، ئۇيۇشتۇرغۇچى تەرەپ يەنە شىنجاڭدىن چىققان ھەمدە دۆلىتىمىز ماي بوياق رەسساملىق ساھەسىدە بەلگىلىك تەسىر ۋە نوپۇزغا ئىگە شۈ ۋېيشىن، جاۋ پېيجى، ئەنۋەر، جاڭ يوڭشۈ، جاڭ يوڭخې قاتارلىق بەش نەپەر رەسسامنى، شۇنداقلا يەرلىك شىنجاڭلىق 4 نەپەر داڭلىق ماي بوياق رەسساملىرىنى كۆرگەزمىگە ئالاھىدە تەكلىپ قىلغان.