ئىككىنچى دۇنيا ئۇرۇشى مەزگىلىدە گېرمانىيە ناتسىستلىرى يات ئېرقتىكىلەرنى باستۇرۇپ، ئۆزىنىڭ ئېرقچىلىق ئىدىيىسىنى ئىشقا ئاشۇرۇش ئۈچۈن گېرمانىيىدە ۋە باشقا ئىشغال قىلىنغان بىر قىسىم دۆلەتلەردە نۇرغۇنلىغان جازا لاگېرلىرىنى قۇردى، جازا لاگېرلىرى يەنە «ھالاكەت لاگېرى» دەپ ئاتالدى. بۇ لاگېرلاردا چوڭ قىرغىنچىلىق ۋە ئادەم بەدىنى تەجرىبىسى ئېلىپ برىش ئۈچۈن زەھەرلىك گاز ئۆيى، ئاناتومىيە ئۆيى ۋە جەسەت كۆيدۈرۈش مەيدانلىرى تەسىس قىلىندى. ئىككىنچى دۇنيا ئۇرۇشىدا بۇ لاگېرلاردا نەچچە مىليونلىغان كىشى ھاياتىدىن ئايرىلىپ، جازا لاگېرلىرى ئىنسانىيەت تارىخىدىكى ئەڭ زۇلمەتلىك بىر بەتكە ئايلاندى.
ئىككىنچى دۇنيا ئۇرۇشىدىكى ناتسېستلارنىڭ يەھۇدىلارغا ئېلىپ بارغان كەڭ كۆلەمدىكى قىرغىنچىلىقى ئىنسانىيەت تارىخىدىكى ئەڭ ئېغىر ئېرقىي يوقىتىش ھەرىكىتى بولۇپ، ناتسېستلارنىڭ جازا لاگېرىدىلا بەش مىليون 820 مىڭ يەھۇدىي ئۆلۈپ، ياۋروپادىكى يەھۇدىيلارنىڭ يېرىمى، دۇنيادىكى يەھۇدىيلارنىڭ ئۈچتىن بىر قىسمى ئازىيىپ كەتكەن. ئەڭ رەھىمسىز بولغان ئوسۋېتسىم جازا لاگېرىدا زەھەرلىك گاز بىلەنلا بىر مىليون يەھۇدىي ئۆلگەن.
ئىنسانىيەت ناتسېستلارنىڭ بۇ جىنايىتىنى ھەرگىز ئۇنتۇپ قالمايدۇ، تراگىدىيىنىڭ قايتا تەكرارلىنىشىغا ھەرگىز يول قويمايدۇ.