خەلق تورىنىڭ 24-ئاپرېل بېيجىڭدىن بەرگەن تېلېگراممىسى: 20 قىسىملىق تېلېۋىزىيە تىياتىرى «ئانارخان» 7-ماي مەركىزىي تېلېۋىزىيە ئىستانسىسىنىڭ ئۇنىۋېرسال قانىلى (بىرىنچى قانىلى)نىڭ ئالتۇن ۋاقتىدا پۈتۈن مەملىكەتكە قۇيۇلىدۇ. بۇ شىنجاڭنىڭ تۇنجى ئۆز ئالدىغا ئىشلىگەن تېلېۋىزىيە تىياتىرىنىڭ مەركىزىي تېلېۋىزىيە ئىستانسىسىنىڭ ئۇنىۋېرسال قانىلى (بىرىنچى قانىلى)نىڭ ئالتۇن ۋاقىتتا قۇيۇلۇشى ھېسابلىنىدۇ.
ئالدىنقى ئەسىرنىڭ 60-يىللىرىدا، قىزىل كلاسسىك كىنو «ئانارخان» پۈتۈن مەملىكەتكە كەڭ تارقالغان ئىدى. يېرىم ئەسىردىن كىيىن، شىنجاڭدىكى ھەر مىللەت سەنەتكارلىرى دەۋر ئېقىمىغا ماسلىشىپ، ئۇنى 20 قىسىملىق تېلېۋىزىيە تىياتىرى «ئانارخان»قىلىپ ئىشلەپ چىقىپ، يەنە بىر قېتىم شىنجاڭدىكى ھەر مىللەت خەلقنىڭ ئىتتىپاقلىق كۈرەش قىلىشىنىڭ ئاساسىي مىلودىيەسىنى ياڭراتتى.