زىمىستان قىش ئاخىرلىشىپ، پارلاق باھار باشلانغان، كونا يىلنىڭ ئورنىنى يېڭى يىل ئېلىپ، پۈتكۈل مەۋجۇدات باھار خۇشاللىقىغا چۆمگەن خاسىيەتلىك كۈنلەردە قوغۇن يۇرتىدا نورۇز بەدىئىي سەنئەت فىلىمى قەدىمى يىپەك يولىدىكى كاتتا ئۆتەڭ، دۇنياغا مەشھۇر شان-شاۋكەتلىك مەدەنىيەت مەركىزى، بۈيۈك ئاستانە قەشقەرنىڭ كۈمۈش بوسۇغىسى داڭلىق قوغۇن ماكانى بولغان پەيزىۋات ناھىيەسىدە سۈرەتكە ئېلىندى.
بۇ يىللىق قوغۇن يۇرتىدا نورۇز بەدىئىي سەنئەت فىلىمىنىڭ سېنارىيىسىنى « قەشقەر گېزىتى» ئىدارىسىنىڭ پېنسىيونېرى ئابلەت ئىسمائىل (ئوغلان ) يازغان بولۇپ، شىنجاڭ تېلېۋىزىيە ئىستانسىسىدىن تەكلىپ قىلىنغان مۇزەپپەر مامۇت، نەبى ئەيسا، مامۇت ياقۇپ، مەخسۇت روزى قاتارلىق 20 دىن ئارتۇق رېژىسسور، تېخنىكلار يېرىم ئايدىن ئارتۇق جاپالىق ئەمگىكى ئارقىلىق روياپقا چىقاردى. (مۇخبىر ھاجى ئەمەت، قادىر ئىسلام خەۋىرى)