سۆرەتتە: ئالدىنقى يىللاردىكى مۇكاپات تارقىتىش مۇراسىمى
ئۆزتۈرك فوندى خەۋىرى: «ئۆز تۈرك فوندى»دىن ئىگىلىنىشىچە، شىنجاڭ ئۆز تۈرك خەلقئارا سودا چەكلىك شركىتى تەسىس قىلغان، شىنجاڭ ئاياللار بالىلار تەرەققىيات فوندى ھەمكارلىشپ ئۆتكۈزۈپ كېلىۋاتقان «ئاسپرانت قىزلار» ئۆز تۈرك مۇكاپاتىنىڭ 3-نۆۋەتلىك تارقىتىش مۇراسىمى 2014-يىلى 12-ئاينىڭ 12-كۈنى جۈمە چۈشتىن كېيىن سائەت 1:30 دە ئۈرۈمچى شەھىرى چوڭ بازار مەرىكە زالىدا ئۆتكۈزۈلىدۇ.
ئۆز تۈرك شىركىتى ئىجرائىيە باش دېرىكتورى، ئۆز تۈرك مۇكاپاتىنىڭ باش پىلانلىغۇچىسى تاھىر ئىمىن ئەپەندى مۇنداق تونۇشتۇردى: بۇ يىلدىن باشلاپ ئاسپرانت قىزلار ئۆز تۈرك مۇكاپاتى ھەر يىلى 12-ئاينىڭ 12-كۈنى تارقىتىلىدۇ، بۇ يىللىق مۇراسىمغا مۇكاپاتقا ئېرىشكۈچىلەر، يېتەكچى ئوقۇتقۇچىلار ۋە باشقا ھەرساھەدىن 500 نەپەر مىھمان تەكلىپ قىلىنىدۇ.
12 پەن بويىچە ھەر مىللەت ئاسپرانت قىزلىرىدىن ئوقۇش نەتىجىسى، ئەخلاقى، تەتقىقات ساھەسى بويىچە باھالانغان ماگىستىر ۋە دوكتۇر ئاسپرانت قىزلار مۇكاپاتلىنىدۇ. ئۆز تۈرك مۇكاپاتى 2012-يىلى يولغا قويۇلغان بولۇپ، ھەر يىلى ھەر قايسى پەنلەردە نەتىجىسى ياخشى باھالانغان ئاسپرانت قىزلارغا تارقىتىلىدۇ .
قىز-ئاياللارنىڭ يۇقىرى مائارىپتىن بەھرىمەن بولۇشىغا ئىلھام بېرىش ئۈچۈن تەسىس قىلىنغان بۇ مۇكاپاتنىڭ تېخىمۇ كۆپ خانىم-قىزلارغا ئىلھام بېرىشنى ئۈمىد قىلىمىز.