چەرچەن ناھىيەسى غەيرىي ماددىي مەدەنىيەت مىراسلىرى كۆرگەزمىسى ئۆتكۈزدى
ئىختىيارىي مۇخبىرىمىز پولات نىياز خەۋىرى ، فوتوسى : 9-ئىيۇن ، چەرچەن ناھىيەسى مەملىكەتلىك ‹‹8-قېتىملىق مەدەنىي يادىكارلىق كۈنى ›› مۇناسىۋىتى بىلەن غەيرىي ماددىي مەدەنىيەت مىراسلىرى ماددىي بۇيۇملىرى كۆرگەزمىسى ئۆتكۈزدى .
كۆرگەزمىگە يۇلغۇن ياغىچىدا ياسالغان دېھقانچىلىق سايمانلىرى ، چەرچەننىڭ ۋەكىل خاراكتېرلىك چالغۇ ئەسۋابى ئاللىچى راۋاپ ، دۆلەت دەرىجىلىك قوغداش تۈرىگە كىرگۈزۈلگەن ئۇيغۇر تەڭلىمات بېسىش ھۈنەر سەنئىتى بويىچە چەرچەننىڭ تەڭلىمات كىگىزى ، دېھقانلار ئۆزلىرى ياسىغان ھەر خىل مۇراببا ، ناۋاتلار ۋە يەرلىك ھەر خىل باش كىيىم ، يۇلغۇن شىنە قېقىپ تىكىلگەن ھەقىقىي خۇرۇم ئاياغلار ، شۇنداقلا بىر قىسىم ئىستېمالدىن قالغان قەدىمىي تۇرمۇش بۇيۇملىرى قاتناشتۇرۇلدى . كۆرگەزمە جەريانىدا ، مەدەنىيەت ئىدارىسىدىكى خادىملار كەڭ خەلق ئاممىسىغا ماددىي مەدەنىيەت مىراسلىرىنى قوغداش ۋە ۋارسلىق قىلىشقا مۇناسىۋەتلىك 3000 پارچىدىن ئارتۇق تەشۋىقات ۋەرەقچىسى تارقاتتى .
مەسئۇل مۇھەررىر : قەدىرىيە
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
