باشقارما باشلىقى (ھاكىم) دەرىجىلىك ئايال كادىرلار 60 ياشتا پېنسىيەگە چىقىدۇ
مەركىزىي كومىتېت تەشكىلات بۆلۈمى، ئادەم كۈچى بايلىقى ۋە ئىجىتىمائىي كاپالەت مىنىستىرلىقىنىڭ يېقىندا ئېلان قىلغان ئۇقتۇرۇشىغا ئاساسلانغاندا، ئايال رەھبىرىي كادىرلار ۋە ئايال كەسپىي تېخنىكلارنىڭ رولىنى تولۇق جارى قىلدۇرۇش ئۈچۈن، پارتىيە-ھۆكۈمەت ئورگانلىرى، خەلق تەشكىلاتلىرى ۋە كەسپىي ئورۇنلارنىڭ باشقارما باشلىقى (ھاكىم)، مۇئاۋىن باشقارما باشلىقى (مۇئاۋىن ھاكىم) دەرىجىلىك ئايال كادىر، ئالىي ئۇنۋانى بار ئايال كەسپىي تېخنىكلىرى 60 ياشتا پېنسىيەگە چىقىدىكەن. بۇ «ئۇقتۇرۇش» 1-مارتتىن باشلاپ ئىجىرا قىلىنىدىكەن.
«ئۇقتۇرۇش» نىڭ تەلىپىدە پارتىيە-ھۆكۈمەت ئورگانلىرى، خەلق تەشكىلاتلىرىدىكى باشقارما باشلىقى (ھاكىم) دەرىجىلىك، مۇئاۋىن باشقارما باشلىقى (مۇئاۋىن ھاكىم) دەرىجىلىك ۋە ئالاقىدار كەسىپ قاتلىمىدىكى ئايال كادىرلار، كەسپىي ئورۇنلاردىكى دائىمي ئىشلار ۋە مەمۇرىي باشقۇرۇش خىزمىتىگە تەيىنلەنگەن باشقارما باشلىقى (ھاكىم)، مۇئاۋىن باشقارما باشلىقى (مۇئاۋىن ھاكىم) دەرىجىلىك ئايال كادىر ۋە ئالىي ئۇنۋانى بار ئايال كەسپىي تېخنىكلار 60 ياشتا پېنسىيەگە چىقىدىكەن.
«ئۇقتۇرۇش»تا يەنە مۇنۇلار دېيىلدى: «يۇقىرىقىدەك ئايال كادىر ۋە ئالىي ئۇنۋانى بار ئايال تېخنىكلار ئەگەر ئۆزلىرى ئىلتىماس قىلسا، 55 ياشتا پېنسىيەگە چىقسا بولىدۇ. بۇ ‹ئۇقتۇرۇش› پېنسىيەگە چىقىش رەسمىيىتىنى بېجىرىپ بولغان باشقارما باشلىقى دەرىجىلىك ئايال كادىرلار ۋە ئالىي دەرىجىلىك ئۇنۋانغا ئىگە ئايال تېخنىكلارغا تەتبىقلانمايدۇ».
مەسئۇل مۇھەررىر : مەلىكەم مەمەت
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
