باش بەت قىلىڭ بەت ساقلاڭ تەھرىر خەت ساندۇقى ئالاقىلىشىڭ
شى جىنپىڭ گېرمانىيەنىڭ مۇئاۋىن باش مىنىستىرى قوشۇمچە ئىقتىساد ۋە ئېنېرگىيە مىنىستىرى گابرىئىل بىلەن كۆرۈشتى
2014.03.31 10:42     مەنبە: جۇڭگو ئۇيغۇرچە رادىيو تورى
{ خەت چوڭ-كىچىكلىكى كىچىك ئوتتۇرا چوڭ} پرىنتېرلاش  
      
  دۆلەت رەئىسى شى جىنپىڭ تۈنۈگۈن دۇسسېلدورفتا گېرمانىيەنىڭ مۇئاۋىن باش مىنىستىرى قوشۇمچە ئىقتىساد ۋە ئېنېرگىيە مىنىستىرى، گېرمانىيە سوتىسىيال دېموكراتلار پارتىيەسىنىڭ رەئىسى گابرىئىل بىلەن كۆرۈشتى.

  شى جىنپىڭ مۇنداق دېدى: جۇڭگو بىلەن گېرمانىيەنىڭ ئىقتىساد سودا، مەبلەغ سېلىش ھەمكارلىقى جۇڭگو-گېرمانىيە مۇناسىۋىتىنىڭ ئاساسى، بۇنى تېخىمۇ كۈچەيتىش كېرەك. مېنىڭ بۇ قېتىمقى گېرمانىيەدىكى زىيارىتىمدە، ئىككى تەرەپ ئىككى دۆلەت مۇناسىۋىتىنى ئىستراتېگىيەلىك شېرىكتىن ئومۇميۈزلۈك ئىستراتېگىيەلىك شېرىلىك مۇناسىۋەتكە ئۆستۈرىدۇ، بۇنىڭ مەزمۇنى تېخىمۇ موللىشىدۇ، بۇ ئىككى تەرەپنىڭ ئىككى دۆلەت مۇناسىۋىتىگە بولغان ئىشەنچىسىنىڭ تېخىمۇ كۈچەيگەنلىگىنى، ئىككى دۆلەت مۇناسىۋىتىنىڭ تېخىمۇ ئومۇميۈزلۈك بولغانلىقىنى، كەلگۈسىنىڭ تېخىمۇ پارلاق بولىدىغانلىقىنى چۈشەندۈرىدۇ. جۇڭگو بىلەن گېرمانىيەنىڭ ئىقتىساد سودا مۇناسىۋىتى سودا، مەبلەغ سېلىش ۋە پۇل-مۇئامىلە قوشۇلغان چوڭقۇر ھەمكارلىشىدىغان مۇناسىۋەت. جۇڭگو يېڭىچە سانائەتلەشتۈرۈش، ئۇچۇرلاشتۇرۇش، شەھەر-بازارلاشتۇرۇش، يېزا ئىگىلىكىنى زامانىۋيلاشتۇرۇش، ئىقتىسادنىڭ تەرەققىيات ئۇسۇلىنى ئۆزگەرتىش، ئىقتىسادنىڭ قۇرۇلمىسىنى تەڭشەشنى ئىلگىرى سۈرىۋاتىدۇ. بۇ جۇڭگو بىلەن گېرمانىيەنىڭ ھەمكارلىقىغا تېخىمۇ كۆپ پۇرسەت ئېلىپ كېلىدۇ. ئىككى تەرەپ پۇرسەتنى چىڭ تۇتۇپ ھەمكارلىقنى ئىلگىرى سۈرىشى كېرەك.

  شى جىنپىڭ گېرمانىيە سوتىسىيال دېموكراتلار پارتىيەسىنىڭ جۇڭگو-گېرمانىيە مۇناسىۋىتىنى تەرەققىي قىلدۇرۇشقا تارىخي تۆھپە قوشقانلىقىغا ئىجابىي باھا بېرىپ مۇنداق دېدى: جۇڭگو كومپارتىيەسى باراۋەر بولغان، ئۆز-ئارا ھۆرمەتلىگەن ئاساستا گېرمانىيە سوتىسىيال دېموكراتلار پارتىيەسى بىلەن بولغان مۇناسىۋەتنى تەرەققىي قىلدۇرۇشقا، ئۆز-ئارا چۈشۈنىشنى چوڭقۇرلاشتۇرۇشقا ئالاھىدە ئېتبار بېرىدۇ، چۈشىنىش بولغاندىلا ئاندىن يېڭى تۆھپە قوشقىلى بولىدۇ، ھەمكارلاشقىلى بولىدۇ. گابرىئىل رەھبەرلىك قىلغان گېرمانىيە سوتىسىيال دېموكراتلار پارتىيەسىنىڭ ئىككى پارتىيە ۋە ئىككى دۆلەتنىڭ دوستلۇق ھەمكارلىقىنى ئىلگىرى سۈرۈشكە يېڭى تۆھپە قوشۇشىنى ئۈمىد قىلىمەن.

  تۈنۈگۈن شى جىنپىڭ يەنە شىمالىي ۋىستفالىن ئىشتاتىدىكى دۇيىسبۇرگ پورتىنى كۆرگەزمە قىلدى.
مەسئۇل مۇھەررىر : ھەبىبە ئىسمائىل
خەۋەرلەر
شەخسلەر سەھىپىسى
  • ئابدۇرەئوپ تەكلىماكانىي ئۇيغۇر تىلى ئۈستىدە چوڭقۇر تەتقىقاتلارنى ئېلىپ بارغان بولۇپ، تەتقىقات نەتىجىلىرى مەملىكەت ئىچى ۋە سىرتىدا زور تەسىرلەرنى قوزغىغان.
  • ئابدۇقادىر جالالىدىن ئەپەندىمنىڭ 2000-يىلى 10-ئايدا نەشىردىن چىققان «ئابدۇقادىر جالالىدىن ماقالىلىرى توپلىمى» ناملىق ماقالىلەر توپلىمى جەمئىيەتتە زور غۇلغۇلا قوزغىغان ئىدى.
  • يىتىلىۋاتقان ياش يازغۇچى ئۆمەرجان سىدىق تۇرپان شەھىرىنىڭ سىڭگىم يېزىسىدا توغۇلغان بولۇپ، يازغان شىئېر ۋە نەسىرلىرى كۆپلىگەن ئوقۇرمەنلەرنىڭ ياقتۇرۇشىغا ئېرىشىتى.
مىللەت ۋە مەدەنىيەت

نەشىر ھوقۇقى خەلق تورىغا مەنسۇپ
Copyright © 1997-2009 by www.people.com.cn. all rights reserved